Доналд Трамп наметнува универзална царина од 10% на целиот увоз во САД, со уште повисоки стапки за, како што ги нарекува, „најлошите престапници“, во пресуден момент за глобалната трговија, објави Би-би-си, пренесува ЦивилМедиа.
ЕУ го опишува како „голем удар за светската економија“, Италија го нарекува „погрешно“, а Австралија вели „ова не е чин на пријател“ .
Кина – една од најтешко погодените од овој потег – вети одмазда
Азиските пазари се отворија пониско пред малку да закрепнат, бидејќи тргувањето со фјучерси во САД исто така се лизна
Тарифата од 10 отсто за Обединетото Кралство е дочекана со олеснување, но не и со задоволство меѓу министрите, објави политички уредник на Би-би-си, Крис Мејсон.
Меѓу блиските сојузници на САД, Европската унија беше цел со стапка од 20 отсто, Јапонија со 24 отсто, Јужна Кореја со 25 отсто и Тајван со 32 отсто. Дури и некои мали територии и ненаселени острови на Антарктикот беа погодени од царини, според списокот објавен од Белата куќа на X, пренесува Ројтерс.
Соочувајќи се со царини од 54% за извозот во САД, светската економија бр.2, Кина вети контрамерки, како и Европската унија – пријателите и непријателите на Вашингтон обединети во критиката на мерките за кои стравуваат дека ќе и нанесат разурнувачки удар на глобалната трговија.
Во својот последен потег, Доналд Трамп воведе нови царини за многу земји, вклучително и Украина – но не и Русија и Белорусија.
М. Д.
