Системските решенија даваат резултат. Тоа што ни беше приоритет и за Владата и за мене како министерка беше да носиме системски решенија кои ќе даваат резултат и на краток рок, но уште поважно на долг рок, изјави министерката за труд и социјална политика, Јована Тренчевска во „24 анализа“ на ТВ24.
Таа додаде дека одлуката за покачување на минималната плата сега на 20.175 денари е врз основа на системското решение и новата методологија за раст на платите.
Со системското решение донесено минатата година, од март минималната плата ќе изнесува 20.175 денари што значи дека во државата нема да има плата под тоа. Ако погледнеме во изминатите години и во услови на криза платите растат и минималната плата расте, истакна Тренчевска.
Министерката додаде дека со растот на минималната плата ќе пораснат и останатите плати, а ќе се зголеми и просечната плата.
