Три американски нуклеарни истражувачки лаборатории биле мета на руски хакери минатото лето, покажуваат интернет записите прегледани од експерти за кибербезбедност, пренесува МИА.
Хакерската група позната како „Студена река“ наводно ги нападнала американските лаборатории Брукхевен, Аргон и Лоренс Ливермор.
Според интернет записите хакерите создале лажни страници за најавување и испраќале е-пошта до научниците за да ги измамат да ги откријат нивните лозинки.
Не е познато дали обидите за хакирање биле успешни. Обидите се случиле кога претставниците на Обединетите нации пристигнаа во деловите на Украина кои се под руска контрола за да извршат инспекција на најголемата европска нуклеарна централа Запорожје.
