ЦИВИЛ ги повикува своите членови, поддржувачи и учесниците на семинарите за граѓанско новинарство, набљудувачите на претходните изборни процеси, како и сите заинтересирани полнолетни граѓанки и граѓани да аплицираат за долгорочни набљудувачи. (ЛИНК ДО АПЛИКАЦИЈА)
Рокот за пријавување за долгорочно набљудување е мошне краток – апликациите за долгорочно набљудување мора да пристигнат до сабота, 8 февруари, 12 часот напладне. Избраните долгорочни набљудувачи ќе им се придружат на постојните веќе на 11 февруари, со обуката што ќе ја обезбеди ЦИВИЛ во Скопје.
Функционери и активисти на политички партии немаат право на учество на овој повик.
Повикот за краткорочни набљудувачи ќе биде објавен на 6 февруари.
Предност во процесот на избор за набљудувачи, како и секогаш, имаат членовите и поддржувачите на ЦИВИЛ, поранешни набљудувачи, како и оние што учествувале на семинарите за граѓанско новинарство.
Бројот на новите долгорочни набљудувачи што ќе бидат ангажирани во оваа фаза е девет (9) лица.
Од тимовите за мониторинг на овие избори, на најуспешните двајца ќе им биде понуден ангажман во сферата на мониторингот и промоцијата на проектот „Европа е наш дом“ до крајот на јануари 2021 година.
За сите кандидат(к)и е важно да знаат дека мониторингот на ЦИВИЛ подразбира мобилност, посветеност и непристрасност. Долгорочните набљудувачи се активни најмалку една недела по изборите.
Кандидатите што нема да бидат селектирани за долгорочно набљудување, ќе имаат можност да останат во мрежата на краткорочни набљудувачи.
ЛИНК ДО АПЛИКАЦИЈА
