Претседателскиот кандидат Кемал Киличдароглу ги повика изборните набљудувачи и претставниците на избирачките одбори да не заминуваат од своите места. Киличдароглу ја предупреди Врховната изборна комисија дека треба да го обезбедат внесувањето на податоците од регионите низ земјата.
„Треба да вложите напори за внесување на податоците од регионите“, напиша тој.
Киличдароглу со иронија зборува за „фикцијата“ за големата предност на Ердоган, веднаш по почетокот на пребројувањето на гласовите. Таа предност се „истопи“ многу брзо.
„Фикцијата што започна со 60 проценти сега падна под 50“, напиша тој на Твитер.
Yüzde 60’lar ile başlayan kurgu şu anda 50’nin altına düştü. Sandık müşahitleri ve seçim kurullarındaki görevlilerimiz bulundukları yerden asla ayrılmasın. Bu gece uyumayacağız Halkım. YSK’yı uyarıyorum, illerdeki veri girişini sağlamak zorundasınız.
— Kemal Kılıçdaroğlu (@kilicdarogluk) May 14, 2023
Тој ги повика набљудувачите и изборната администрација да бидат будни.
„Набљудувачите и претставниците на избирачките одбори треба останат таму каде што се. Ние нема да спиеме ноќва, народе мој“, напиша опозицискиот лидер.
Со оваа изјава Киличдароглу индиректно предупредува на можни нерегуларности во текот на броењето на гласовите.
Џ. Д.