Главните интервенции со овој закон се во однос на имплементација на Истанбулската конвенција во кривичните дела кои се поврзани со безбедноста на новинарите, менување на одредени одредби од Кривичниот законик во сферата на конфискацијата и тортурата како резултат на пресуди донесени од Европскиот суд за човекови права со кои се утврдува повреда на одредби од Конвенцијата, како и усогласување на Кривичниот законик со Директивата (ЕУ) 2017/1371 за борба против измама во врска со финансиските интереси на Унијата со примена на кривичното право.
Во делот на заштитата на новинарите и на другите медиумски работници, заострени се санкциите во однос на кривичните дела при вршење на нивните работни задачи.
Измените се однесуваат и за други јавни професии како што се судија, јавен обвинител адвокат, лекар и друг здравствен работник, кко и други лица што вршат работи од јавен интерес.
Во измените што денска ги усвои македонското Собрание во прва фаза на процедурата за измени и дополнувања на Кривичниот закон, третирани се и други појави како што се семејното насилство, форма на малтретирање, навредување, загрозување на сигурноста, телесни повреди, полово или друго психолошко, физичко или економско насилство.
Во овој контекст, се пропишува ново кривично дело „Демнење“, согласно одредбите од Истанбулската конвенција.
Д.В
