Британскиот премиер Борис Џонсон веднаш ќе воведе санкции за рускиот претседател Владимир Путин и министерот за надворешни работи Сергеј Лавров, како одговор на нападот врз Украина, беше соопштено вечерва од Даунинг стрит.
Одлуката е донесена откако британската влада вчера воведе сет санкции за руските банки, авиокомпании и олигарси блиски до Кремљ, како одговор на инвазијата во Украина.
Џонсон ги повика лидерите на НАТО да преземат итна акција преку меѓународниот платен систем SWIFT со цел „да му нанесат максимална болка на рускиот претседател Владимир Путин и неговиот режим“, пренесува Индепендент.
