• Latest

(ВИДЕО) Дерала: Борбата на Украина е борба за слобода, за победа над тиранијата

February 26, 2025
Роботика во практична демонстрација: Прецизно ракување со предмети. (Извор: Google / Gemini, screenshot)

Вештачката интелигенција и роботиката: Светот отвора нови технолошки хоризонти

November 17, 2026

Црно Море: Потона товарен брод во бугарската економска зона, сомнежи за напад со морски дронови

November 17, 2026
Кијив, 17 ноември 2026 (ДСНС)

Руски ракетен напад врз два моста во Кијив – Украина бара прекин на огнот во Црното Море

November 17, 2026

Прва трилатерална средба на Џинпинг, Трамп и Путин во Шенжен

November 17, 2026

Прашање на денот: Насилството врз жените не смее да остане само вест! Што мора да се преземе?

November 17, 2026
Парламент на Србија (wikipedia)

Почнува смената на власта во Србија: Конститутивна седница на Народното собрание

November 17, 2026

ЕУ со нови санкции против руски банки, енергетски компании и мрежите за дезинформации

November 17, 2026

Мислете му ја!

November 17, 2026
фото извор: Алта банка

АЛТА БАНКА: Кредити од 1,6 милиони евра и можен судир на интереси

November 16, 2026

(ИНФОГРАФИК) Алта банка Битола: Кој продава и каде ќе завршат милионите?

November 16, 2026
CivilMedia
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
CivilMedia
No Result
View All Result
Home ФОРУМ ИЗЈАВИ

(ВИДЕО) Дерала: Борбата на Украина е борба за слобода, за победа над тиранијата

February 26, 2025 10:59
in ВОЈНА ВО УКРАИНА, ИЗЈАВИ, ТОП 5
Share on FacebookShare on Twitter

„Ладниот ум на историјата ќе ги запамети овие времиња како ера на бесрамни лаги, огромна трагедија и неизмерно зло – наспроти невидениот хероизам и непобедливата љубов за слобода и мир, изјави Џабир Дерала, претседател на ЦИВИЛ, на настанот по повод три години од отпорот на Украина против руската агресија, 24 февруари 2025 што се одржа во Јуроп Хаус Скопје / Делегација на ЕУ во Република Северна Македонија.

 

„Од почетокот на целосната инвазија, Генералниот обвинител на Украина регистрира повеќе од 156.000 случаи на воени злосторства, вклучувајќи мачење и егзекуции на цивили – меѓу нив деца, жени и стари лица, егзекуции на воени заробеници, бомбардирање на цивилни цели, вклучувајќи болници, училишта и детски градинки, сексуално насилство, употреба на хемиско оружје, и многу други страшни злосторства. Светот посведочи на шокантни сцени од ужасно насилство, често снимени од самите руски агресори. Меѓу најтешките злосторства е киднапирањето на 20.000 украински деца, подложени на русификација во таканаречените „кампови за превоспитување“. Меѓународниот кривичен суд издаде налог за апсење на воените криминалци Путин и неговата комесарка за правата на децата, Марија Лвова-Белова, за незаконско депортирање и пренос на деца, што е воено злосторство според меѓународното право.

Пред три години, Украина, предводена од уметник и интелектуалец – претседателот Зеленски – застана на раскрсницата на историјата. На претседателот му беше понудено да побегне додека бомбите паѓаа врз неговата земја, но тој одговори со зборови кои ќе одекнуваат низ времето засекогаш: „Борбата е тука; ми треба муниција, а не превоз“.

Украина кажа НЕ! НЕ на бруталната и крвожедна агресија. НЕ на машинеријата на лаги и пропаганда. НЕ на силите на тиранијата кои сакаа да ја избришат оваа суверена нација од картата.

Уште позначајно, Украина рече ДА! ДА за слободата, ДА за достоинството, ДА за правото на нејзиниот народ да ја одреди својата сопствена судбина. Јас сум длабоко трогнат и благодарен за жртвите на украинскиот народ и засекогаш ќе го почитувам нивниот хероизам и храброст. Тие не ја бранат само својата земја, туку ја бранат демократијата и слободата за сите нас.

Фронтовите на оваа војна се протегаат многу пошироко од рововите и небото што е под опсада од ракети и дронови. Тие се во нашите градови, нашите институции, нашите медиуми и нашите општества – каде што се води борбата против дезинформациите и пропагандата. Војната на Русија не се води само со ракети и тенкови, туку и со лаги, манипулации и страв, засилени од нејзините сојузници од екстремната десница во Европа, регионот и ширум светот.

Како некој што посвети долги години во борба на фронтовите на вистината, знам дека оваа борба не може да се води самостојно. Го носам Орденот за заслуги, доделен од претседателот Зеленски, со длабока почит и благодарност – не како лична заслуга и чест, туку како почит кон моите колеги и соборци кои се исправени пред многу посилен непријател. Ве повикувам да ги запомните новинарите, активистите и трагачите по вистината кои ја откриваат измамата, се спротивставуваат на пропагандата и одбиваат да дозволат лагите да ја обликуваат нашата иднина. Тие се невидливите воини во оваа борба.

Повеќе од стотина наши колеги се уапсени, убиени или исчезнати во трите години руска агресија. Еден од нив, Вилен Темерјанов, новинар од Крим чиј случај го следам и јавно го застапувам, е во руско заточеништво од август 2022 година. Тој е подложен на тортура, изолација, психичко малтретирање, електрошокови, наркотици и други методи, сето тоа како дел од ужасната тактика позната како казнена психијатрија од Советскиот Сојуз.

Денес, кога одбележуваме три години од отпорот, ве повикувам да изразиме почит за борбата на Украина не само со зборови, туку и со непоколеблива солидарност и конкретна поддршка, сѐ додека е потребно, до конечното ослободување на Украина и воспоставување праведен и траен мир. Затоа што борбата на Украина е наша борба. Нивната издржливост е нашата лекција. Нивната победа ќе биде победа за сите кои одбиваат да ѝ се покорат на тиранијата. Слава Україні!“, изјави Дерала во своето обраќање.


Ukraine’s fight is our fight: A struggle for freedom and victory over tyranny

Борбата на Украина е наша борба: Борба за слобода, за победа над тиранијата

Tags: три години руска агресија врз УкраинаЦивилЏабир Дерала
ShareTweetSend
CivilMedia

СЛОБОДНО.НЕЗАВИСНО.ОТВОРЕНО

  • ЗА НАС
  • ИМПРЕСУМ
  • КОНТАКТ
  • АВТОРСКИ ПРАВА
  • Политика на приватност
  • МАРКЕТИНГ

Следете нè

No Result
View All Result
  • ДОМА
  • ВЕСТИ
  • ПОЛИТИКА
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
  • ДИСКУРС
  • ФОРУМ
  • ГРАЃАНСКА
  • МАРКЕТИНГ
  • ИМПРЕСУМ