Експлозија во рускиот Ставропол на 28 мај го уби Заур Гурцјев, заменик-градоначалник на градот кој учествуваше во целосната војна на Русија против Украина, објави Кијив Индипендент.
Гувернерот на областа Ставропол, Владимир Владимиров, ја потврди смртта на Гурцјев, опишувајќи ја како „ноќен инцидент на улицата Чехов“ без да даде дополнителни детали.
Истражниот комитет на Русија објави дека на местото на настанот се пронајдени тела на двајца мажи со повеќекратни повреди.
Повеќе руски канали на Телеграм го идентификуваа Гурцјев како една од жртвите и споделија, според нив, снимки од експлозијата.
Моментот на експлозијата во Ставропол, во која загина мајорот Заур Гурциев, кој го водеше воздушниот дел од заземањето на Мариупол.
Каналот на Телеграм Шот, кој се чини дека е близок до руските безбедносни сили, сугерираше дека експлозијата можеби е предизвикана од граната или импровизирана експлозивна направа.
Гурцјев учествуваше во програмата „Време на херои“ („Времја Героев“) на рускиот претседател Владимир Путин. Според веб-страницата на програмата, тој ја предводел воздушната операција на Русија за освојување на украинскиот град Мариупол во 2022 година.
Владимиров сугерираше можна вмешаност на Украина во инцидентот, но не даде докази во поддршка на тврдењето. Истрагата е во тек.
„Кијив Индепендент“ не можеше независно да ги потврди тврдењата. Украина не коментираше за инцидентот.
Кијив и претходно ги таргетираше руските функционери кои одиграа клучна улога во целосната инвазија на Русија.
Д. Мишев
