Полскиот министер за надворешни работи, Радослав Сикорски, ја обвини Русија за намерно кршење на полскиот воздушен простор откако повеќе руски беспилотни летала влегоа во Полска и беа соборени, пренесува Кијив Индипендент.
„Синоќа, воздушниот простор на Полска беше пробиен 19 пати од беспилотни летала произведени во Русија. Нашата проценка е дека тие не скршнале од курсот, туку биле намерно целени.
Полска, ЕУ и НАТО нема да бидат заплашени и ние ќе продолжиме да стоиме покрај храбриот народ на Украина. Време е раководството на Русија да разбере дека обидот за обнова на последната империја на Европа е осуден на пропаст“, рече Сикорски во видео изјава објавена на социјалните медиуми.
Last night, Poland’s airspace was breached 19 times by drones manufactured in Russia. Our assessment is that they did not veer off course but were deliberately targeted.
Poland, EU and NATO will not be intimidated and we will continue to stand by the brave people of Ukraine.… pic.twitter.com/prAEqrIUKX
— Radosław Sikorski 🇵🇱🇪🇺 (@sikorskiradek) September 10, 2025
Полска потврди дека ги пресретнала и соборила беспилотните летала за време на големиот руски воздушен напад врз Украина во текот на ноќта на 10 септември – што е прв пат членка на НАТО да ангажира руски воени средства над сопствената територија и најголемото пробивање на беспилотни летала на територијата на НАТО.
Како одговор, Полска го активираше Член 4 на НАТО, кој им овозможува на земјите-членки да побараат консултации кога веруваат дека нивната безбедност е загрозена.
Во меѓувреме, руските претставници негираа дека сториле нешто лошо. По инцидентот, руското Министерство за одбрана издаде соопштение во кое се вели дека Москва „не планирала да погоди“ никакви цели во Полска. Андреј Ордаш, вршител на должноста амбасадор на Русија во Варшава, исто така ги отфрли тврдењата дека беспилотните летала соборени на полска територија биле од руско потекло.
Сикорски ги отфрли „лагите и негирањата“ на Москва, нарекувајќи ги „стандардни советски одговори“.
Тој дополнително ја нагласи важноста од спротивставување на дезинформациите и потпирање на информации од владини извори и проверени медиуми.
„Секој што тврди дека ова била украинска провокација шири руска пропаганда“, додаде тој.
Сикорски, исто така, ја потврди поддршката на Полска за Украина и нејзината поширока посветеност на спротивставување на руската агресија.
„Полска, ЕУ и НАТО нема да бидат заплашени и ние ќе продолжиме да стоиме покрај храбриот народ на Украина“, рече тој. „Време е раководството на Русија да разбере дека обидот за обнова на последната империја на Европа е осуден на пропаст“.
Д. Мишев
