Украинските војници заробиле двајца кинески државјани кои се бореле во редовите на руската војска против Украина, објави претседателот Володимир Зеленски на 8 април, пренесува Кијив Индипендент.
„Имаме информации дека има многу повеќе од двајца такви кинески државјани во единиците на окупаторот“, рече Зеленски. „Ги имаме документите на овие затвореници, банкарски картички, лични податоци.
Според претседателот, украинските војници се судрија со шест кинески војници во близина на селата Тарасивка и Билохоривка во Донецката област,
Според Зеленски, двајцата заробени се задржани од Службата за безбедност на Украина. Тој му наложи на министерот за надворешни работи Андриј Сибиха итно да стапи во контакт со Пекинг за да утврди како ќе реагираат кинеските власти.
Our military has captured two Chinese citizens who were fighting as part of the Russian army. This happened on Ukrainian territory—in the Donetsk region. Identification documents, bank cards, and personal data were found in their possession.
We have information suggesting that… pic.twitter.com/ekBr6hCkQL
— Volodymyr Zelenskyy / Володимир Зеленський (@ZelenskyyUa) April 8, 2025
Сибиха рече дека Украина го повикала вршителот на должноста на Кина за да изрази осуда и да побара објаснување во врска со ова прашање.
„Кинеските граѓани кои се борат како дел од руската инвазивна армија во Украина го доведуваат во прашање декларираниот став на Кина за мир и го поткопуваат кредибилитетот на Пекинг како одговорна постојана членка на Советот за безбедност на ОН“, објави министерот на X.
Зеленски нагласи дека очигледното регрутирање на кинески државјани – без разлика дали е директно или индиректно – ја нагласува посветеноста на Кремљ да продолжи со својата агресија.
„Дефинитивно ни треба реакција на ова. Реакција од САД, Европа и сите во светот кои сакаат мир“, рече тој.
Зеленски додаде дека Кина е уште една земја, заедно со Иран и Северна Кореја, која ја поддржува Русија во нејзината војна против Украина.
„Но, постои разлика: Севернокорејците се бореа против нас во насока Курск, Кинезите се борат на територијата на Украина“, рече претседателот на прес-конференција со белгискиот премиер Барт де Вевер.
Кина е клучен стратешки партнер на Русија од почетокот на целосната инвазија, проширувајќи ја трговијата и стана главен снабдувач на Москва со стоки со двојна употреба што се користат во производството на оружје.
Изјавата на Зеленски доаѓа по претходното распоредување до 12.000 севернокорејски војници во Курската област минатата есен за поддршка на руските сили во одбивањето на украинскиот прекуграничен упад.
Украинските војници првично зазедоа околу 1.300 квадратни километри пред да бидат потиснати во контраофанзива засилена со севернокорејски единици. Градот Суџа беше меѓу териториите што беа повторно преземени.
Според Зеленски, севернокорејските единици кои се борат за Русија претрпеле околу 4.000 жртви, од кои две третини биле убиени.
Како одговор, Пјонгјанг, наводно, префрлил дополнителни 3.000 војници во Русија во јануари и февруари за да ги надополни загубите, објави АП на 27 март.
Д. Мишев
