Владата смета дека знамето на Република Северна Македонија има специфична државна вредност и истото не треба да се става во логоа за прослави. Тоа треба да се користи издвоено, засебно, чисто, со јасно истакнување на настани и исклучиво онака како што е пропишано во законот.
Оваа реакција на Владата следува по коментарите на социјалните мрежи за логото за одбележување на 30 години од независноста на земјата. Како што информираат од владата на логото за јубилејот „30 години независност“ истакна ти се симболите со кои се потенцира 30-годишнината од независноста – Сонцето, уставното име, меѓународниот МК код и бројот 30.
„Логото не го содржи државното знаме, Сонцето кое е употребено во логото е различно од Сонцето од државното знаме“ реагираат од Владата.
Тие посочуваат дека покрај оваа и други Влади претходно за државни празници често користеле разни варијации на сонцето како симбол. Така и Сонцето кое е употребено во логото за 30 години независност е со поинакви и поголем број краци од Сонцето на државното знаме.
