Додека светот е преокупиран за можната средба помеѓу американскиот претседател Доналд Трамп со неговиот руски колега, Владимир Путин за ставање крај на руската војна во Украина, во руските напади низ повеќе украински области загинаа најмалку осум цивили, а повредени се најмалку 18 во текот на изминатиот ден, објавија регионалните власти на 27 февруари, пренесува Кијив индипендент.
Русија лансираше 166 нападни беспилотни летала од типот Шахед и беспилотни летала за мамка против Украина во текот на ноќта, објави Военото воздухопловство. Деведесет беспилотни летала беа соборени во 11 области, додека 72 беспилотни летала мамки беа изгубени без да се предизвика штета, се вели во соопштението.
Во рускиот напад врз Никопол во Днипропетровската област вечерта на 26 февруари беа повредени 70-годишен маж и 78-годишна жена, објави гувернерот Серхи Лисак. Индустриско претпријатие, 11 куќи, шест помошни згради и друг имот беа оштетени во руските напади врз областа Никопол, рече гувернерот.
Седум цивили загинаа, а 11 се повредени за време на руските напади врз Донецката област, изјави гувернерот Вадим Филашкин. Според него, во ударот врз градот Костијантинивка на 26 февруари загинаа најмалку шест лица, а 10 беа повредени, при што беа оштетени 12 високи згради, 12 продавници, три претпријатија и повеќе.
Едно лице загина, а друго е повредено во Покровск, се наведува во соопштението.
Во Херсонската област, еден цивил загина, а двајца се повредени во руските напади, изјави регионалниот гувернер Олександр Прокудин. Оштетени се две станбени згради, 12 куќи и други згради.
Во руските напади во Сумиската област на 26 февруари, беа повредени тројца цивили, вклучително и двајца во заедницата Миколаивка и еден во заедницата Хлухив, објави регионалната воена администрација.
Д. Мишев
