ЦИВИЛ – Центар за слобода и Амбасадата на Украина во Република Северна Македонија организираат голема конференција, изложба на фотографии и промоција на книга под заеднички наслов „Украина – година на хероизмот“.
Највисоки претставници на државниот врв, дипломатскиот кор и експерти се говорници на конференцијата.
Нови информации во живо од секој говорник…
Претседателот на Цивил, Џабир Дерала, со краток вовед на Конференцијата:
„Пред точно една година, во 3.59 часот наутро, 60 километарска колона од тенкови и воена механизација ја премина границата на независна, суверена и демократска УкраинаПутин поведе апсурдна, разурнувачка, крвава и садистичка војна против суверена и демократска европска држава. Тој својата војна ја нарече специјална воена операција за денацификација и ослободување на Украина и заштита на Русите од геноцид. Но со својот ракетен терор уништи и сѐ уште уништува цивилни домови и инфраструктура, срамни со земјата цели градови, а неговата садистичка солдатеска ограбува, измачкува, силува и убива мажи, жени, деца и возрасни луѓе. Меѓу нив има и Руси. Последиците се илјадници изгубени животи, милиони бегалци и раселени лица, страдање и смрт на секоја педа од украинската почва, светска економска, енергетска и безбедносна криза. На денешен ден, колона од тенкови долга десетици километри се приближуваше кон Кијив. Тоа требаше да биде неколкудневна „прошетка“ по која цела Украина требаше да падне под руска чизма. Но Украина стои. Демократијата стои. Борбата за слобода продолжува. По цена на неизмерни жртви“, истакна Дерала .
Претседателот Стево Пендаровски:
„Ниту една агресија не може да биде оправдана, независно дали ги следите академските дефиниции или реалниот живот. Не постои никаков сомнеж дека рускиот напад врз Украина претставува директно кршење на меѓународниот поредок и системот на безбедносна архитектура кој требаше да овозможи траен мир, стабилност и просперитет во Европа по завршувањето на Студената војна. Русија ги прекрши сите меѓународни правни акти во тој контекст и во текот на изминатата година, нејзините војници извршија грозоморни злосторства врз многубројни украински цивили, акти несвојствени за една цивилизирана држава. Сликите и сведоштвата од Буча, Ирпињ, Мариупол, Херсон, Харков и другите украински градови и села говорат за отсуство на базичното чувство за хуманост на руската воена машинерија, но, сведочат и за тоа до што може да доведе една анахрона и автократска политика кога за архитектите на оваа војна ниту илјадниците мртви на нивна страна не се доволна причина за запирање на спиралата на безумие. На страната на демократскиот дел од светот не смее да има никакво двоумење дека сите злосторства треба да бидат детално истражени, а виновниците соочени со правдата“, истакна Пендаровски.
Претседателот на Собранието, Талат Џафери:
„Верувам дека никој не мислеше дека овој конфликт ќе трае долго. Меѓутоа, развојот на настаните не демантира и после сите заложби на сиот демократски свет кој има почит кон територијалниот интегритет и суверенитет на земјите. Свет кој ги признава меѓународно признатите државни граници и ги почитува истите. Затоа, сите заедно, онолку колку можеме, онака како можеме даваме поддршка за Украина и украинскиот народ. Верувам дека ниту еден конфликт, ниту една одбрана немала подобро организирана воена, морална и секаква друга поддршка, дури и вербална, Со оглед на моето воено минато, човек би рекол дека ништо не може да ме изненади. Меѓутоа, не е така! Човек никогаш не може да биде доволно подготвен за суровоста на другиот човек. Соочен со бројот на загубените животи, разрушената инфраструктура и влегувањето на Украина во една целосно поинаква димензија на егзистенција, се обврзав дека ќе се заложам за помош со сета моја моќ. Истовремено, восхитен од храброста, посветеноста, пожртвуваноста и смиреноста на украинските водачи и граѓани, истрајни во праведната борба за слобода“, нагласи Џафери.
Амбасадорката на Украина, Лариса Дир:
Би сакала да ви се заблагодарам што ја поддржувате Украина, како и за тоа што најдовте време да ни се придружите на оваа конференција, која е посветена на херојската година на отпорот на Украинците, организирана со помош на ЦИВИЛ, истакна амбасадорката Дир на почетокот од обраќањето.
„Од почетокот на целосната инвазија, желбата на Кремљ да го уништи украинскиот народ и украинската државност се има интензивирано, вклучително и поради тоа што планот за брза окупација на Киев за 3 до 7 дена не се спроведе. Единствената причина за оваа неиспровоцирана агресија беа нео-империјалистичките амбиции на руската држава и нејзиното највосоко раководство. Претседателот на Русија направи фатална грешка. Во реалноста, Украина не само што ја запре инвазијата, туку успеа и да ослободи скоро половина од нејзините ново окупирани територии преку успешни контранапади.“, рече украинската амбасадорка Дир.
Вицепремиер за европски прашања, Бојан Маричиќ:
„Поминаа точно една година од најавуваната руска агресија врз Украина и од огласувањето на сирените за воздушен напад во главниот град на Кијев. На 24 февруари мината година со почетокот на руската инвазија врз Украина светот се промени преку ноќ. А Европа, која беше означена за оаза на мирот стана сведок и поле на жестока војна. Никој не очекуваше во 21 век дека ке треба да бираме страна и ќе треба да застанеме во одбрана на суверенитетот на некоја европска држава, во одбрана на европските вредности, во одбрана на базичните човекови права“, истакна Маричиќ.
Министерката за одбрана Славјанка Петровска:
„Вчера се вратив од Украина и во мене носам различни чувства – ужасност, бес за тоа што го видов. Разурнати домови, детски градинки, детски игралишта. Го видов и возилото во кое четиричлено семејство се обидува да избегне убијци. За жал, не успеале, сурово се убиени. Ги видов и злосторвствата во Буча, измачени и убиени граѓани. И покрај овие слики и траорната глетка, се враќам од Украина охрабрена дека Украина ќе победи, изјави министерката за Одбрана Славјанка Петровска.
Филип Тосевски, Државен секретар на МНР:
„Токму пред една година се случи незамисливото:ж – војна, агресија во Европа во 21 век, по децении внимателно и вешто изработен меѓународен поредок заснован на правила и принципи. Денес, точно една година од агресијата врз Украина и Украинскиот народ, кога народот на Украина страда од злото на неиспровоцирана, неоправдана и намерна агресивна војна, ја искажуваме нашата несебична и пријателска поддршка, во знак на солидарност, бидејќи денес е Украина, утре може да биде која било наша држава која се потпира на нормите и принципите на меѓународното право и ја смета Повелбата на Обединетите нации како неоспорна гаранција за нивната независност, суверенитет и територијален интегритет“, изјави државниот секретар на МНР Филип Тосевски.
Дејвид Гир, амбасадор на ЕУ:
„За ЕУ и нашите партнери, вклучително и Северна Македонија, нема алтернатива за останување на курсот на нашата „тројна стратегија“: поддршка на Украина, вршење притисок врз Русија да престане со нејзината нелегална агресија и помагање на остатокот од светот да се справи со поширокото влијание на војната. ЕУ ќе остане одлучна и обединета во својата поддршка за украинскиот народ на сите фронтови: хуманитарен, економски, политички, дипломатски и воен. Украина мора да победи. А европската безбедност е заштитена, истакна Гир.
Заменик на амбасадорката на САД, Ерик Мејер:
„Денеска е тажен ден, одбележуваме една година од кога Русија непровоцирано ја нападна Украина. Денеска е денот кога треба да се оддаде почит на храброста на Украинците и нивната посветеност кон демократијата и слободата. На лидерите на Северна Македонија сакам да им изразам благодарност во името на САД за заложбата во борбата против руската агресија. Ја докажавте својата вредност како членка на НАТО, како бранител на демократскиот интегритет“, изјави Ерик Мајер, заменик на Амбасорката на САД.
Амбасадорот на Албанија, Фатос Река:
„Ова е една долга година која помина, и сите посакувавме да не мора да бидеме денеска овде. Една година помина од нападот на руската војска врз слободата и слободата на државата на Украина. И кога почна таканаречената „специјална воена операција„ однесе илјадници жртви, од населението создаде милиони бегалци во целата Европа и предизвика разорување на целата земја, да не споменуваме индиректното влијание на глобалната енергетска криза, изјави Албанскиот амбасадор Фатос Река.
Војциех Тицињски, амбасадор на Полска:
„24.02.2022 е денот кога Русија со агресијата врз Украина отвори ново поглавје во Европа и светот. Имаме консензус да се воспостави кандидантски статус. Пративме воена помош од над три милијарди евра, изјави Војциеж Тицињски, амбасадор на Полска.
Јарослав Лудва, амбасадор на Чешка:
„Република Чешка и Украина можеби не се соседи, Прага е далеку од Кијив географски, но Украинците се во срцата на сите граѓани на Чешка. Така беше и во самиот почеток на бруталната агресија на Русија врз Украина. Јас споменав и претходно, Украина и беше најдобар пријател на Чешка. Сега целата нација е со Украина, изјави Јарослав Лудва, амбасадор на Чешка“.
Јулија Смит, Заменичка на амбасадорката на Обединетото Кралство.
„Тешко е да се додаде на нешто што беше кажано и гледајќи ги жртвите, затоа што Украина трагично влегува во втората година како живее под руско бомбардирање. Велам дека ние ги чуваме во срцата и мислите Украинците во овие ужасни времиња во нивната историја. Го цениме решеноста и отпорноста и стручноста на украинската армија која што ја турна Русија подалеку од тоа што очекуваше Путин. Длабоко ја потцени меѓународното заедништво која испрати силна поддршка за Украина, рече британската амбасадорка Јулија Смит.
Биби Грамсон, заменичка на амбасадорката на Шведска:
„Некои датуми засекогаш ќе бидат врежани во нашите мемории. Сите ќе помниме што се случи на 24.02.2022 и што правевме тој ден кога Русија ја нападна Украина. Претседателот Зеленски беше во право кога истакна дека неговите војници не се борат само за Украина, туку и за нашата безбедност и нашите вредности. Ние сме длабоко исполнети со почит за украинскиот народ кои покажаа извонреден хероизам, борејќи се за демократија и човекова слобода. Руската агресија е повеќе од напад врз Украина и нејзиниот народ, тоа е напад врз секоја земја“, изјави Биби Грамсон, заменичка на Амбасодрката на Шведска.
Амбасадорката на Романија, Адела Моника Аксинте:
„Пред една година Русиа реши да ја нападне Украина, една мирна и независна земја и со тоа за прв пат после многу години ја врати војната во Европа. Ова брутална војна која што ја предизвика големо патење на Украина и украинскиот народ, преку големите загуби на чевечките животи беше една пресудна точка за целиот свет“, рече амбасадорката на Руманија Андела Моника Аксинте.
Амбасадорот на Јапонија, Казуја Оцука:
„Ова војна започна во 2014 година кога Русиа незаконски го окупираше Крим и го поддржа воениот конфликт во регионот на Донбас. Се сеќавам на фотографиите на паднатите херои во тоа време кои ги видов во Киев на Sидот на сеќавањето на паднатите бранители на Украина во руско-украинската војна. Ние најостро ја осудуваме неиспровоцираната брутална и агресивна војна на руската влада против Украина, како што изјавија премиерот Кишида и министерот за надворешни работи Хајаши во својство на претседавач со состанокот на министрите за надворешни работи на Г7. Постапките на Русија се јасно и флагрантно кршење на меѓународното право и Повелбата на Обединетите нации“, рече јапонскиот амбасадор . Н. Е Казуја Оцука.
