ЦИВИЛ за денеска покани по еден човек на владата, армијата, медиумите и невладиниот сектор да дебатираат за опасните дезинформации и хибридните напади.
Националниот координатор за стратегиски комуникации Марјан Забрчанец, потполковник Александар Илиев, доцентот при катедрата за меѓународно јавно право, м-р Љупчо Стојковски и уредникот на Вистиномер и Критинк, е-изданија на Фондацијата Метаморфозис, Владимир Петрески се гости на панел дискусијата на ЦИВИЛ на тема „Автопатот со факти, одговорност и решителност наспроти беспаќето на опасните дезинформации“. Дискусијата започнува во 11 часот денеска (среда, 16 јуни), ќе трае 60 минути и ќе се емитува во живо. Модератор е претседателот на ЦИВИЛ, Џабир Дерала.
Колку се опасни дезинформациите и говорот на омразата за безбедноста и стабилноста на државата? Дали институциите имаат капацитет за справување со злонамерните дезинформации? Колку и на кој начин можат граѓанските организации и медиумите да се вклучат во заштитата од злонамерните дезинформации и хибридните закани? Со факти, одговорност и решителност наспроти опасните дезинформации… Тоа се дел од прашањата и темите за кои ќе стане збор на јавниот настан на ЦИВИЛ.
Настанот ќе биде емитуван во живо на Фејсбук страницата и на видео каналот на ЦИВИЛ, а ќе се одржи без публика. Редакциите се добредојдени да го преземат видео линкот од преносот во живо. Доколку има заинтересирани, претставник на ЦИВИЛ ќе биде достапен за изјави од медиумите пред настанот, во 10:30 часот, пред хотелот Сити Парк, кој наоѓа во непосредна близина на општина Центар.
Работниот јазик на настанот е на македонски јазик но сите материјали потоа ќе бидат достапни на македонски, албански и англиски јазик.
Панелот е дел од проектот „Европски перспективи“ кој ЦИВИЛ го спроведува со поддршка од Министерството за надворешни работи на Сојузна Република Германија од 1 април оваа година.
Преземањето на содржините е добредојдено, според лиценцата Creative Commons 4.0.
ЦИВИЛ