Украинскиот претседател Володимир Зеленски во видео обраќање ги коментираше вчерашните мировни преговори помеѓу украинската и руската делегација во Истанбул.
Според Зеленски, сигналите од преговорите може да се наречат позитивни, но „овие сигнали не ги намалуваат експлозиите на руските гранати“. Тој вели дека ќе верува само во конкретни резултати.
Можеме да ги наречеме позитивни сигналите што ги слушаме од преговарачката платформа. Но, овие сигнали не ја замолчуваат експлозијата на руските гранати. Се разбира, ги гледаме сите ризици. Се разбира, не гледаме причина да им веруваме на зборовите на одредени претставници на држава која продолжува да се бори за наше уништување. Украинците не се наивни луѓе. Украинците веќе научија за време на овие 34 дена инвазија и во последните осум години од војната во Донбас дека може да се верува само на конкретен резултат, рече Зеленски.
Во продолжение е целото обраќањетона претседателот Зеленски.
„Привршува 34-тиот ден од инвазијата од големи размери од страна на Русија и нашата одбрана од големи размери. Успешна одбрана.
Сигурен сум дека денес ја видовте веста дека руската војска наводно одлучила да ги „намали цоените дејствија во Кијив и Чернигив“.
Па, истото може да се каже и за Чорнобајевка – наводно руските авиони едноставно решиле да летаат помалку, а руската техника – помалку да вози. Благодарен сум им на сите наши бранители, на сите наши бранителки – на сите оние кои ја обезбедуваат одбраната на Кијив. Токму нивните храбри и ефективни дејствија го принудуваат непријателот да се повлече во оваа насока.
Сепак, не треба да се губи будност. Ситуацијата не стана полесна. Обемот на повиците не се намалува. Руската армија сè уште има значителен потенцијал да продолжи со нападите против нашата држава. Имаат уште многу техника и имаат доволно апсолутно обесправени луѓе кои можат да ги испратат во котелот на војната.
Затоа, не се ладиме и не ги намалуваме нашите одбранбени напори. Како на северот на нашата држава, така и во сите други региони на Украина, каде што привремено влегоа руски војници. Одбраната на Украина сега е задача број еден, а сè друго произлегува од неа.
Токму врз таа основа ја разгледувам комуникацијата за преговарачкиот процес, кој е во тек на различни нивоа со претставниците на Руската Федерација.
Непријателот се уште е на наша територија. Гранатирањето на нашите градови продолжува. Мариупол е блокиран. Ракетните и воздушните напади не престануваат. Ова е реалноста. Ова се фактите.
Затоа, Вооружените Сили на Украина, нашите разузнавачи, сите оние кои се приклучија на одбраната на државата – ова е единствената гаранција за нашиот опстанок денес. Како народ. Како држава.
Гаранција која навистина работи.
Да, можеме да ги наречеме позитивни сигналите што ги слушаме од преговарачката платформа. Но, овие сигнали не ги задушуваат пукањата на руските гранати.
Се разбира, ги гледаме сите ризици. Се разбира, не гледаме причина да им веруваме на зборовите на одредени претставници на држава која продолжува да се бори за наше уништување. Украинците не се наивни луѓе. Украинците веќе научија за време на овие 34 дена инвазија и во текот на изминатите осум години од војната во Донбас дека може да се верува само на конкретен резултат. На фактите – ако се променат на нашата земја.
Се разбира, Украина е подготвена да преговара и ќе продолжи со преговарачкиот процес. До тој степен што навистина зависи од нас. Сметаме на резултат. Мора да има вистинска безбедност за нас, за нашата држава, за суверенитетот, за нашиот народ. Руските трупи мора да ги напуштат окупираните територии. Мора да се гарантираат суверенитетот и територијалниот интегритет на Украина. Не може да има никаков компромис за суверенитетот и нашиот територијален интегритет. И нема да има.
Ова се јасни принципи. Ова е јасно гледиште за можниот исход. А на оние на социјалните мрежи кои зборовите ги доживуваат како факти, сакам да потсетам едно: живееме во демократска држава и се бориме за нашата слобода. За слобода на нашиот народ.
Затоа, сите одлуки кои се важни за целиот наш народ мора да ги носи не еден човек или група луѓе со какви било политички ставови, туку целиот наш народ. Мудриот народ на Украина.
А некои земји и нека не очекуваат дека одредени преговори ќе влијаат на укинување на санкциите против Руската Федерација. Прашањето за санкции не може ни да се постави додека не заврши војната, додека не го вратиме она што ни припаѓа и додека не ја вратиме правдата.
Напротив, санкциите мора да се зајакнат. Да се зајакнуваат неделно. И тие мора да бидат со висок квалитет. Не само за наслови во медиумите дека се воведени санкции, туку за реален мир. Реален.
А за да се обезбеди тоа, тим од украински и меѓународни експерти веќе почна да работи за да ја процени ефективноста на санкциите воведени кон Русија. Од украинска страна оваа област ја координира Шефот на Кабинетот на Претседателот Андриј Јермак, а на меѓународна страна Мајкл Мекфол.
Во текот на денот во Миколајив продолжи спасувачката акција. Демонтирани се блокадите на зградата на регионалната управа, која беше уништена од руски ракетни напади. Заклучно со сега, познато е за осум загинати лица и 30 повредени. Многу е веројатно дека ова не се конечни бројки.
Руските трупи го изведоа овој удар над Миколајив многу подмолно. Во време кога луѓето доаѓаа на работа наутро. Фала му на Бога, повеќето од оние во зградата успеале да се евакуираат кога го слушнале воздушниот аларм.
Овој повторен чин на руската таканаречена „денацификација“ на Миколајив се случи утрото по годишнината од ослободувањето на градот од нацистичките освојувачи. Жителите на Миколајев се сеќаваат на денот на 28 март 1944 година. И тие гледаат на кого личат руските војници, кои сега се обидуваат да го заземат нивниот град.
Денес зборував за Миколајев во говорот пред парламентот на Данска и данскиот народ. Му понудив на општеството на оваа земја да учествува во обновата на градот и регионот по војната. Во рамките на нашата програма за обнова на Украина, ние вклучуваме држави-партнери, водечки компании и најдобри специјалисти со цел да ја гарантираме брзината и квалитетот на обновата на нашата држава.
Како што ми беше кажано, овој предлог беше многу позитивно прифатен во Данска.
Има и важни вести од нашите владини претставници. Од денес ќе работи новата функционалност на нашиот државен сервис „Дија“. Како што ветив, државата ќе ја надомести загубата на куќа или стан како резултат на воените дејствија. Секој наш граѓанин веќе може да поднесе апликација во „Дија“.
Апликациите се веќе достапни во мобилната апликација. Треба да ја ажурирате апликацијата за да ја видите оваа нова услуга. А за една недела ќе биде достапен офлајн – во центрите на административни услуги. Самата по себе, функционалноста во „Дија“ е доста удобна. Но, сите потребни детали допрва ќе ги разјасни нашата влада.
Главното – државата ќе надомести за секој метар изгубен недвижен имот.
Покрај тоа, владините претставници денеска ја проширија програмата за помош на оние институции кои ги поддржуваат ВРЛ од борбените области.
Друга важна одлука беше да се испратат 426 милиони гривни за исплата на платите на рударите.
Веќе традиционално, пред да го запишам своето вечерно обраќање, потпишав неколку важни укази. Првиот е за наградување на комуникаторите. Искрено сум им благодарен на секој, на секоја што ја обезбедуваат фундаменталната основа на нашите животи. Кој ни обезбедува комуникација еден со друг.
Патем, на денот на почетокот на руската инвазија, врз нив беше извршен првиот ракетен напад во областа на Операцијата на Здружените Сили.
На 12 лица им беа доделени државни награди, четворица – постхумно.
Вториот потпишан указ беше за доделување државни награди на 126 војници на Вооружените Сили на Украина, од кои 34 постхумно.
Ние секогаш ќе бидеме благодарни на секој од нашите бранители, на секоја од нашите бранителки за одбраната на нашата држава во Украинската патриотска војна против Русија.
Вечен спомен на секој што го даде животот за Украина!“ заврши Зеленски. Слава на секој наш херој! Слава на Украина!
Д.Мишев
