Шефот на изборниот штаб на ВЛЕН, пратеникот Аднан Азизи, излезе со шокантни обвинувања кон ДУИ – дека наводно платиле луѓе однадвор за да нападнат млади Албанци и дека имале план да ја запалат џамијата на Шар Планина.
„ДУИ платил луѓе однадвор за да ги претепаат албанските млади, имале план да ја запалат и џамијата на Шар Планина“, изјави Азизи, без да понуди дополнителни детали или докази.
Од Алијансата за Албанците го повикаа Обвинителството да ги обелодени изјавите на Аднан Азизи и да го истражи за поттикнување меѓурелигиски тензии. Обвинителството, Министерството за внатрешни работи и другите органи мора да проверат дали Азизи најавил реална опасност или предизвикал потенцијално опасна ситуација за во иднина?
Вчерашната изјава на пратеникот од ВЛЕН, Аднан Азизи, е вознемирувачка и не смее да остане неразјаснета до крај. Она што беше кажано синоќа е аларм за меѓуетничките и меѓурелигиските односи во земјата, безбедноста на граѓаните, но и за стабилноста на земјата. Бидејќи тој рече „имаме точни информации“ дека џамијата во Попова Шапка ќе биде запалена. Го покануваме пратеникот Аднан Азизи да ја објави оваа информација или да ја достави до органите за спроведување на законот и до Обвинителството, велат од АА.
Доколку тој не го стори тоа од која било причина, тогаш Јавното обвинителство треба да го гони пратеникот Азизи за поттикнување омраза и насилство врз верска основа, сценарија што се опасни за земјата и безбедноста на граѓаните.
„Ваквите дела претставуваат тероризам и кршење на правата и слободите на граѓаните, затоа мора да се провери од надлежните органи дали навистина постои ризик од вакви настани или ризикот доаѓа од изјава на политичар што го нарушува уставниот поредок за дневно-политички придобивки. Доколку до Обвинителството не се достават точни податоци и овој случај не се реши на време, тогаш е јасно дека ВЛЕН и нивниот шеф на Изборниот штаб си играат со оган, со меѓурелигиска омраза и слични опасни сценарија за потребите на предизборната кампања.
Од Алијанса за Албанците додаваат дека политичките игри со религиозни сценарија и позадини се неподносливи и ги повикуваат граѓаните да не подлегнат на вакви сценарија, изјави и манипулации што често се слушаат од експоненти на овие партии.
