Нема никакви знаци дека Путин сака да ја запре оваа војна, изјави украинскиот претседател Володимир Зеленски во обраќањето до учесниците на Форумот на НАТО за одбранбена индустрија во Хаг на 24 јуни.
Русија ги отфрла сите мировни предлози, вклучително и оние што доаѓаат од Соединетите Американски Држави. Путин мисли само на војна. Тоа е факт. Можно е тој да го поврзува сопственото политичко опстојување со способноста да продолжи да убива: додека убива – живее. Нашите разузнавачки служби го потврдуваат тоа, нагласи Зеленски.
Украинскиот претседател предупреди дека Русија дури и планира нови воени операции на територијата на НАТО, односно на територијата на држави на учесниците на Форумот..
Оваа војна во моментов се води во Украина, и неопходно е добро да се подготвиме – да бидеме подготвени. Без сомнеж, мораме да го запреме Путин сега и во Украина, но исто така мораме да сфатиме дека неговите цели одат подалеку од Украина.
Зеленски се сложува дека европските земји треба да ги зголемат трошоците за одбрана и смета дека 5% од БДП е соодветно ниво. Тој нагласи дека Обединета Европа е способна да изгради такви одбранбени капацитети што ќе ја уништат руската илузија дека војната со Европа може да ѝ донесе нешто.
Потенцирајќи ги капацитетите на одбрамбената индустрија на дека Украина, Зеленски истакна дека земјата може да произведува над 8 милиони дронови од различни видови секоја година и повика на зголемени инвестиции од сојузниците за да се достигне тој потенцијал.
Форумот за одбранбена индустрија кој се одржува во пресрет на Самитот на НАТО во Хаг на кој се очекува земјите-членки да се обврзат на значително зголемување на трошоците за одбрана – до 5% од БДП и каде се закажани разговори меѓу Зеленски и Трамп за рано попладне, при што двете страни ќе го финализираат дневниот ред.
Самитот на НАТО доаѓа една седмица по Самитот Г7 во Канада, на кој, како што објави ЦивилМедиа, не успеаја да се сретнат претседателите на САД и Украина, откако прво Трамп, а потоа и Зеленски предвреме го напуштија Самитот, додека преостанатите членки на Групата Г7 не успеаја да издадат заедничка изјава за војната во Украина откако САД инсистираа да се ослабне формулацијата.
Д. Мишев
