Украинскиот претседател Володимир Зеленски изјави дека Владимир Путин се „плаши“ од преговорите за завршување на војната, откако рускиот претседател ја отфрли можноста за директни разговори со неговиот украински колега.
„Денес Путин уште еднаш потврди дека се плаши од преговори, се плаши од силни лидери и прави се што е можно за да ја продолжи војната“, рече Зеленски.
Путин во вторникот ја отфрли можноста директно да разговара со Зеленски, кого го нарече „нелегитимен“ бидејќи изборите не се одржани откако Русија ја започна војната. Поради војната, Украина е под воена состојба, за време на која украинскиот устав не дозволува избори. Украина предупреди да не биде исклучена од какви било мировни преговори меѓу Русија и САД, обвинувајќи го Путин дека сака да „манипулира“ со Доналд Трамп, американскиот претседател, пишува Гардијан.
Today, Putin once again confirmed that he is afraid of negotiations, afraid of strong leaders, and does everything possible to prolong the war. Every move he makes and all his cynical tricks are aimed at making the war endless.
In 2014, Russia started a hybrid war against…
— Volodymyr Zelenskyy / Володимир Зеленський (@ZelenskyyUa) January 28, 2025
„Светските лидери треба да ги земат предвид грешките од претходните години, како и грешките на оние лидери кои повеќе не се на сцената. Путин има значителни способности да ја наруши глобалната стабилност, но тој е премногу слаб за да го издржи вистинскиот притисок од силните лидери. Затоа мора да дејствуваме одлучно и во единство. Вистинскиот мир е можен, ако Русија биде принудена на него“, напиша Зеленски на Х.
