Храброста на Украинците е инспирација за сите слободни народи и можеме само да замислиме колку инспиративна ќе биде победата на Украина, изјави украинскиот претседател Володимир Зеленски во своето видео обраќање во вторникот навечер.
Зеленски на почетокот на обраќањето истакна дека окупаторите повторно ја нападнаа Одеската област, повторно со ракети врз обичните куќи. Ракети дизајнирани да уништуваат воени бродови и други значајни цели. Токму со толку тешко оружје руската армија го уништува обичниот приватен сектор во близина на морето. Таму живееле и одмарале луѓето…
И ние задолжително ќе возвратиме за ова, без разлика што лаже руското Министерство за одбрана за таквите удари. Постојаниот руски терор врз Харкив и областа, Миколаев, градовите и селата од Запорожката област, Днипропетровската област, Донбас, пограничните региони на Сумската област и Чернигивската област – сето тоа нема лесно да им помине на окупаторите,м нагласи Зеленски.
Понатаму, тој посочи дека веќе четири месеци руската држава не им соопштила на своите граѓани никакви информации – дури и цензурирани – за загубите на окупаторскиот контингент. Целосно молчење. Ништо не беше објавено или кажано во бројни интервјуа и говори на политичко и воено ниво. Сепак, оваа бројка изнесува веќе речиси 40.000 – толку луѓе изгубила руската армија убиени од 24 февруари. И уште десетици илјади ранети и осакатени.
И ако руската држава не го каже ова официјално, па дури и генерално, тогаш тоа значи дека секој и секоја што сè уште има некакви контакти во Русија или информативно влијание врз нивното општество треба да им го пренесе овој едноставен факт на оние на кои можеби. Само 40 илјади окупатори беа убиени, рече Зеленски.
Тој информира за одлуката на Британија да го прошири списокот со санкции против Русија. Беа додадени уште десетици луѓе и организации. Тој нагласи дека ова е вистинскиот тренд, и се заблагодари на Британија за нејзината непроменлива цврстина во прашањата за санкциите. Ова е пример што треба да го следат сите останати во западниот свет.
Сопред Зеленски, денешната вест за уште едно испровоцирано поскапување на гасот на европската берза над 2.000 долари за 1.000 кубни метри е веќе доволна причина за проширување на санкциите против Русија. Затоа што на сите им е јасно дека ова е намерен ценовен терор на Русија против Европа. Користејќи го „Гаспром“, Москва прави се за оваа зима да биде најтешка за европските земји. Неопходно е да се одговори на теророт – да се одговори со санкции.
Зеленски информира за одржаните преговори со Претседателот на Уругвај,, за прв пат во историјата на меѓудржавните односи меѓу Украина и Уругва. Тој му се заблагодарил за поддршката во меѓународните организации и го повикал Уругвај, како и другите во регионот на Латинска Америка, да воведат санкции против Русија. Ќе направиме се за да не остане ниту еден регион во светот каде што нема да ја знаат вистината за руската агресија. Веќе имаме комуникација со Чиле, Парагвај, Костарика. И сега – Уругвај. Да ја продолжиме оваа работа.
Зеленски го спомена и свеченото доделување на наградата за лидерство „Винстон Черчил“ што се одржа во Лондон со учество на Премиерот Борис Џонсон, и изрази уверување дека ова е чест за сите херои, за целиот народ, за сите нас, кои секој на свое ниво се спротивставува на тиранијата, и навистина му претставувало чест што ја примил оваа награда.
ДИсто така и во Холандија – земја за чие разбирање се работеше долго време – украинскиот народ беше почестен со уште една награда – специјална холандска награда за независност. Украинскиот амбасадор ја прими во име на Украинците. Овие иконски работи особено ги одразуваат радикалните промени во односот кон Украина што се случија во светот.
Нашата храброст е навистина инспирација за сите слободни народи и за заедницата на демократии воопшто. И само замислете колку ќе биде инспиративна украинската победа, истакна Зеленски.
Зеленски соопшти дека вечерта потпишал указ со кој ги наградил нашите војници. На 198 учесници на борбени дејствија им беа доделени државни награди на Украина, од кои на двајца постхумно.
Подготви: Д.Мишев
