Американската Централна разузнавачка агенција (ЦИА) објави архивски документи и снимки што се пронајдени во куќата, во која е убиен Осама бин Ладен во 2011 година во Пакистан.
Истражувачите кои претходно имаа увид во тајните документи тврдат дека во архивата има снимки од венчавката на синот на Бин Ладен, како и дневникот на лидерот на терористичката група Ал Каеда.
– Американците ќе можат да имаат подлабок увид во плановите и дејствувањето на терористичката организација, изјави директорот на ЦИА, Мајк Помпео.
ЦИА на интернет постави 470.000 документи пронајдени во мај 2011 година во куќата во Аботабад, каде се криеше Бин Ладен со семејството. На снимките првпат се гледа лицето на Хамза Бин Ладен, најстариот син на Осама. Хамза е сниман на неговата венчавка, која најверојатно била на иранска територија.
[divide]
извор: МИА
Содржините кои ЦИВИЛ ги презема од други извори не подлежат на лиценцата Creative Commons 1.0, инаку вообичаена за содржините кои ги објавува оваа медиумска платформа. Ве молиме, консултирајте се со изворот за преземање на таквите содржини.
