поентира: ЏЕВДЕТ ХАЈРЕДИНИ
Премиерот и министрите, се чини, без потреба, премногу време трошат во докажување и фалење дека многу пари од буџетот даваат за покачување на плати, разни субвенции, јавни инвестиции и слично…
*
Тие всушност ништо не даваат, зашто самата влада ниту креира ниту може да креира пари, туку само ја користи уставната надлежност од едни граѓани со даноци да зема и на други да дава.
Да дава плата од буџетот дури и на граѓани кои ништо не работат.
*
За Македонија многу побитно од тоа што вчера не ја доби поканата од ЕУ, е тоа што денеска Заев ја доби подршката од коалициониот партнер. Важно е за криминал и корупција и натаму да не се одговара.Месец јуни ќе има и наредните години.
*
После заклучокот дека “Европскиот Совет ќе се наврати на прашањето за проширувањето пред самитот на ЕУ во Загреб”, мирно можат да спијат сите тие што Македонија ја донесоа “во многу тешка кризна ситуација”(Прибе).
*
Истите Макрон ги охрабри и со изјавата дека “политиката кон соседите не смее нужно да биде политика на проширување” и дека “нам ни треба напредок во нашите процеси, па дури тогаш ќе можеме да отпочнеме разговори со нив, ама не како досега, како што е вообичаено, бидејќи тоа веќе нема смисла”.
По “кристално чиста препорака”, здравје.
*
Претседателот Макрон го остави без работа и Амбасадорот Жбогар.
*
Откога се пишуваат, во сите извештаи на ЕК, комесарите констатирале дека Македонија ги исполнува сите услови за почеток на преговорите, освен спорот со Грција за името, за на крајот Макрон на сите да ни кажува дека “наместо прашалници, треба да им дадаме нешто што ќе влијае врз нивното подобро живеење, а не само да им дадеме датум за преговори”.
*
После заклучокот дека “Европскиот Совет ќе се наврати на прашањето за проширувањето пред самитот на ЕУ во Загреб”, мирно можат да спијат сите тие што Македонија ја донесоа “во многу тешка кризна ситуација”(Прибе).
*
Истите Макрон ги охрабри и со изјавата дека “политиката кон соседите не смее нужно да биде политика на проширување” и дека “нам ни треба напредок во нашите процеси, па дури тогаш ќе можеме да отпочнеме разговори со нив, ама не како досега, како што е вообичаено, бидејќи тоа веќе нема смисла”.
Повеќе “кристално чиста препорака”, што две години ни ја најавуваше “пациентот”, здравје.
*
Ќе се најде ли сила што ќе го спречи СДСМ и на наредните избори со парите од буџетот, општините и јавните претпријатија, да ги плаќа гласачите на ДУИ, како што во минатото го правеше и ВМРО.
*
По пети пат со ред во Македонија ќе се одржат вонредни избори без попис, без прочистен избирачки список, без една изборна единица и отворени листи, без ниту една ветена регорма, со илјади гласачи што се плаќаат од буџетот, со голем број корумпирани, осомничени и неказнети функционери, обвинители и судии.
После – виновен ни е Емануел Макрон.
*
Во Македонија неспоредливо поприсутна е Турција, отколку Франција, и на економски и на културен план.
*
Со бројот на “лидерите” кои беа присутни на средбата кај Претседателот, албанците го постигнаа рекордот на правичната застапеност.
