Вест на денот: СОНК и МОН на иста страна за наставниците, на различна за штрајкот
СОНК не се согласува со 5 отсто покачување на платите, кои наставниците ќе ги добијат со платата за септември, и бара да бидат повисоки за онолку проценти за колку што е зголемена минималната плата во државата, односно до 25 отсто. СОНК очекува преговори со МОН до крајот на месецов за да се усогласат, а ако нема напредок можно е да организира генерален штрајк.
Ресорниот министер Арбер Адеми, пак, ги повика директорите и наставниците да се подготват за денешниот прв училишен ден, затоа што, како што рече, едукацијата на учениците не треба да има застој, а особено не треба да се дозволи разочарување на првачињата кои првпат ќе седнат во училишните клупи. На прес-конференција тој порача дека ќе продолжи дијалогот со СОНК за заедно да ги дефинираат сите идни системски мерки за подобар квалитет на наставата и материјалниот статус на наставниците.
Заев: Не разочарувајте ги учениците на првиот училишен ден
Најавата на СОНК за штрајк беше и во дискусиите на опозициските пратеници на собраниската седница на која викендов беа избрани нови членови на Владата. Тие обвинија за ниски плати во образованието, а премиерот им одговори дека тие се зголемуваат и би биле поголеми доколку владата не морала да враќа долгови. Заев ги повика наставниците да не ги разочаруваат учениците со штрајк на првиот училишен ден кога ќе ги добијат и новите 5 проценти повисока плата.
Адеми: Нема причина за штрајк, во добар дел од училиштата почна школската година
Министерот за образование и наука, Арбер Адеми, денеска изјави дека не знае во колку училишта се штрајкува, но оти во добар дел новата учебна година почна нормално. Повтори дека нема причина за штрајк и оти Владата работи на подобрување на статусот на наставниците.
ФЛЕШ ВЕСТИ
Во Собранието продолжува процедурата за разрешување на Катица Јанева… Лила Филиповска повикана во Обвинителството за „Рекет“… Бизнисменот Мицевски на распит за „Рекет“, ќе си ги бара парите од Боки 13… Новата министерка Ангеловска го презеде управувањето со Министерството за финансии… Џафери го достави извештајот за СЈО до Димовски…
ЦИВИЛни активности
ЦИВИЛ во општините Валадново, Струмица и Штип, утре ќе го промовира проектот „Зелена иднина“, кој огранизацијата го спроведува во соработка со Хајрих Бел, Сараево.
На инфо-штандовите на ЦИВИЛ, граѓанките и граѓаните ќе имаат можност да се запознаат со целите на проектот, но и да ги споделат своите размислувања, ставови и предлози за зелените вредности, социјалната правда и антинационализмот.
MИСЛА
Национализмот како последна идеологија
Иако свесен за сопствените скудни аналитички способности, наспроти оние стручни, длабински и радикално суштински, што курирски, ИНФОМАКС-овски навлегле во срцевината на нештата, при што, логично, подариле верба на алхемијата на зборовите на Мицкоски, скромно го нудам и своето мислење, не криејќи ја амбицијата и јас да проникнам во суштината на најавениот бунт и, се разбира, ако е можно, во непрепознатливото да ја препознаам вистинската причина за нив, пишува Милан Банов.
СОНК, не ве разбирам!
Секако дека ќе ве разберев своите барања за поголеми плати да го направевте во текот на летото со собири пред ресорното министерство или владата. Вака ме разочаравте и не само мене, верувајте, многумина се разочарани. За среќа, меѓу разочараните од постапката на СОНК има и многу просветни работници кои чесно и достоинствено ќе си го одработат првиот училиштен ден, пишува Велин Стојановски.
Ангела Петровска
