Владата на Република Северна Македонија донесе одлука за забрана и посебен режим на движењето на населението (полициски час) во Општина Куманово, и тоа целосна забрана за време на викенд, почнувајќи од 21:00 часот во петок (денеска) до 05:00 часот во понеделник (06.04.2020 година).
Во работните денови, од понеделник до петок, забраната важи секој ден во периодот од 16:00 до 05:00 часот.
За земјоделските активности, дозволено е движење во рамки на територијата (атарот) на селата, исклучиво за работните потреби.
Аптеките ќе работат непречено, а Министерството за здравство ќе изработи план за непречена работа и на здравствените установи на подрачјето на Општина Куманово.
Исклучоците од забраната за движење важат за полицијата, армијата, здравствените работници (во ЈЗУ и ПЗИ, како и матичните лекари) кои своите работни ангажмани ќе ги реализираат непречено.
*
Судијата на претходна постапка во штипскиот Основен суд попладнево им изрече мерка притвор во рок од осум дена на двајцата насилници од Штип, кои пред два месеца тепале и малтретирале девојка во станбена зграда. Судот повторно ќе одлучува наредната недела, откако обвинирелот ќе го достави обвинителниот предлог. Двајцата насилници веќе се во кумановскиот затвор.
*
Единаесет медицински лица од Кумановската болница се позитивни на коронавирусот. Еден позитивен на коронавирусот е и медицински техничар од Инфектината клиника. Две лица починале на Инфективната клиника, каде во моментов се хоспитализирани 67 пациенти, од кои 10 се со тешка клиничка слика, а останатите со средна и лесна. По два негативни резултати на тестови биле испратени дома тројца пациенти од Клиниката, информираше на денешната прес-конференција министерот за здравство Венко Филиче.
*
Владата ја прифати информацијата на Комисијата за заразни болести која препорача сите вработени во здравствениот систем кои се од Куманово, а работат во други градови во државата, да се стават на располагање на болницата во Куманово.
Ќе се определат инфектолози од другите градови во регионот, Крива Паланка и Кратово, кои ќе бидат повлечени за да работат во Центарот за јавно здравје во Куманово.
Здравствениот персонал што ќе биде ангажиран како дополнителен, ќе работи најмногу 14 дена, а потоа ќе биде заменет со нов тим според систем на ротација.
*
Владата на Република Северна Македонија ја разгледа и усвои Информацијата според која Меѓународниот монетарен фонд (ММФ) позитивно одговори на барањето на нашата земја да ѝ биде одобрен Инструментот за брзо финансирање во висина од 175,2 милиони евра како помош за финансирањето на мерките за здравствена и макроекономска стабилизација и исполнување на потребите на билансот на плаќање кои произлегуваат од појавата на КОВИД-19. на барањето на нашата земја да ѝ биде одобрен Инструментот за брзо финансирање во висина од 175,2 милиони евра како помош за финансирањето на мерките за здравствена и макроекономска стабилизација и исполнување на потребите на билансот на плаќање кои произлегуваат од појавата на КОВИД-19.
*
Според податоците најголемиот дел од контролите во периодот од овие 5 дена, вкупно 4.261 ги направил Државниот пазарен инспекторат. Од нив 823 се за замрзнатите цени на одредени производи, додека останатите 3.438 на трговски, услужни и угостителски објекти.
*
Жителите на Куманово се најдоа затечени од најновата мерка за забрана на движење од вечерва до понеделник. Пред супермаркетите, аптеките и продавниците низ градот се забележани редици граѓани, што предизвикаа реакции за краткиот рок на известување за мерката, и за присебност од страна на граѓаните, за да не се придонесе кон дополнително ширење на Ковид-19.
*
Градоначалникот на Општина Куманово, Максим Димитриевски, вечерва на социјалните мрежи повика на смиреност, истакнувајќи дека тие што немаат можност да се снабдат ќе добијат асистенција овие два дена.
*
Според најновите податоци, во светот досега се регистрирани 1.079.978 лицa заразени со новиот коронавирус. Од нив починати се 58.110, а оздравеле 227.668 луѓе.
*
Генералниот секретар на ОН, Антонио Гутереш денеска го повтори повикот за глобален прекин на огнот, повикувајќи ги сите страни во конфликтите низ светот да го остават оружјето и да им дозволат на земјите уништени од војни да се борат со пандемијата на коронавирусот.
*
ЦИВИЛ ја актуелизира иницијативата за укинување на сите привилегии на функционерите
Пандемијата на КОВИД-19 во светот предизвика сериозни импликации врз светската економија, а штетите допрва ќе се утврдуваат. Владата донесе сет економски мерки за ублажување на последиците по економијата. Една од мерките се однесува и на платите во администрацијата.
Во контекст на економските мерки според кои функционерите, именувани и избрани ќе добиваат минимален личен доход додека трае здравствената криза, сега е погоден момент да се потсетат јавноста и носителите на одлуки, на Иницијативата на ЦИВИЛ за укинување на привилегиите на функционерите. Организацијата говори против привилегиите со години наназад, со низа сериозни предлози доставени до сега веќе распуштеното Собрание на Република Северна Македонија. Добро е да се потсетиме дека Иницијативата остана без одговор од Собранието.
Веднаш по претседателските избори во 2019 година, поттикнати од јавното обелоденување на привилегиите кои Ѓорѓе Иванов ќе ги ужива како поранешен претседател на државата, ЦИВИЛ излезе со соопштение за тоа дека е крајно време да се стави крај на расипништвото.
Привилегиите на Иванов беа само тригер за тоа што ЦИВИЛ со години наназад го истакнува во јавноста – дека привилегиите се огромни и неоправдани. Факт е дека огромни суми наши пари, од касата на државниот буџет, се трошат на привилегиите на поранешни и сегашни функционери.
Соопштението доби огромна поддршка од јавноста, за потоа да се формулира и промовира и Иницијативата на ЦИВИЛ со наслов #КрајЗаРасипништвото, на 14 мај 2019 година.
Три дена подоцна, на 17 мај, во пет минути до 12 часот, во присуство на голем број медиуми, активистки и активисти, ЦИВИЛ и официјално ги достави барањата до Собранието на Република Северна Македонија.
Д. Тахири
