Кумановци се подготвуваат за полицискиот час што почнува од вечерва од 21 часот. Дел од граѓаните побрзаа да се снабдат со намирници, пред се храна. На социјалните мрежи кумановци попладнево споделуваа фотографии од граѓани пред супермаректите.
Кумановскиот градоначалник Максим Димитриевски на социјалните мрежи повика на смиреност, истакнувајќи дека тие што немаат можност да се снабдат ќе добијат асистенција овие два дена.
https://www.facebook.com/MaksimDimitrievskiOfficial/posts/1854030961394002
-Почитувани сограѓани, бројот на позитивните од Ковид 19 во Куманово евидентно се зголемува.
Одлуката за ограничување во движење е неопходна, треба сите да ја почитуваме за да се спречи пандемијата. Дали требаше да се најави, да секако, Општинскиот штаб за заштита и спасување тоa го бара уште од 22 март, тоа што поединци, целово ова време неодговорно се однесуваат и не ги почитуваат препораките и мерките на Штабот и Владата не доведува сите во сеопшта опасност од пандемија. Треба да сме свесни и дисциплинирани можеме да издржиме до понеделник, тие што немаат можност да се снабдат со најнеопходното ќе добијат асистенција овие два дена, напиша Димитриевски на ФБ.
Тој посочува дека колективното здравје е приоритет број еден.
-Жалам за сето ова низ што поминуваме сите заедно. Апелирам на смиреност и без паника ќе го надминеме и ова. Целта е да го спречиме ширењето на вирусот, држете дистанца и останете дома, повика Димитриевски.
