ТЕМА НА ДЕНОТ
Претседателот на „Македонски концепт“, Петар Богојески, е поставен за нов директор на Националната агенција за европски образовни програми и мобилност. Богојески во јавноста стана познат во 2018 кога како „реформатор и фракционер“ беше разрешен од функцијата заменик генерален секретар во ВМРО-ДПМНЕ. Оттогаш па се до формирањето на Македонски концепт, Богојески делуваше како фракција во ВМРО-ДПМНЕ и голем критичар на Мицкоски за пред последните парламентарни избори неговиот Македонски концепт да влезе во заедничка коалиција со ВМРО-ДПМНЕ.
Меѓутоа Богојески, не се прослави ни како „реформатор“ ниту како успешен лидер на Македонски концепт, туку како човек кој шири говор на омраза и дезинформации на социјалните мрежи.
„Добро знаеме дали и колку говорот на омраза, навредите, вулгарностите на Богојески дали се „експеримент“, „хакиран профил“ или „украден идентитет“. Тој може колку сака да се служи со провидни лаги, но едно е јасно – да имавме нормални институции тие ќе го земеа на одговорност, бидејќи еден дел од неговите настапи во јавноста се и кривично дело казниво по член 319 и 398 од Кривичниот законик. Во меѓувреме не знаеме ниту дали „експериментот“ со говорот на омраза му донесе „од 500 до 50.000“ гласа како што кажа на панел дискусијата на ЦИВИЛ во 2021, но сигурно му донесе коалиција со Мицкоски и директорско место во ЕРАЗМУС!“.
ФЛЕШ
Семејствата на настраданите во пожарот во кочанската дискотека „Пулс“, во вторник ќе организираат ,,Марш за ангелите“ во Скопје со почеток во 12 часот и 05 минути како симболика за задоцнета реакција.
Според најавата, маршот ќе започне пред обвинителството во Скопје, ќе продолжи на градскиот плоштад во Скопје, по што ќе се продолжи пред собранието на Македонија.
ИЗЈАВА НА ДЕНОТ
Ограничена маржа за скоро сите производи ако трговците пак ги зголемат цените, најавува Дурмиши
РЕГИОН
(ВИДЕО) Полицијата со пендреци и бибер спреј по студентите од ДИФ во Нови Сад; Студентите го спречиле деканот да ја пробие блокадата
Пред Факултетот за спорт и физичко образование во Нови Сад, чиј влез е блокиран од граѓани и студенти од утрово, се случи нов инцидент кога полицијата доби наредба да ја нападне толпата, која ја нападна со палки, пренесе Н1. Тие претходно почнаа да се приближуваат кон влезот на факултетот, но пред нив стоеја граѓани и студенти. Сепак, припадниците на жандармеријата успеаја да се пробијат до влезот, користејќи бибер спреј и потиснувајќи ги граѓаните.
СВЕТ
Трамп ја однесе американската економија на работ на криза за само 100 дена откако е претседател
Доналд Трамп ги помина првите 100 дена во Овалната соба водејќи економија на која светот ѝ завидуваше до работ на криза, ризикувајќи го угледот на Америка како финансиско безбедно засолниште и поттикнувајќи страв кај гласачите кои ја изгубија довербата во неговото водство.
Според анализата на Стивен Колинсон, виш репортер кој ги покрива Белата куќа и политиката низ САД и низ целиот свет за Си-ен-ен , Американците очајно бараа олеснување од високите цени на прехранбените производи и се потпреа на ветувањето на Трамп да ја направи Америка повторно прифатлива во ноември 2024 година, делумно од носталгија за економијата пред пандемијата од неговиот прв мандат.
АЛ-ПРЕС
(ИЗБОР) Албански медиуми: Кој е виновен за актуелната политичка криза во Косово?; Наташа Кандиќ почестена со „Клучот на град Приштина“; Во Валона се отвора аеродромот со најдолгата писта во Балканот; „Џиро д’Италија“ за прв пат во Албанија
ФОРУМ
ПРАШАЊЕ НА ДЕНОТ: Дали власта ја води земјата кон Исток?
СЛОБОДНА ЗОНА
„Но да се вратиме на „скриените“ маки на Мицкоски и неговата влада. Главниот проблем секако е прашањето како да се наполни буџетот? Од каде да се земат кредити или обезбедат свежи пари за да се покаже дека нешто се работи, а и за да се поделат плати и пензии? Уште од средината на деведесеттите од минатиот век, престана навиката плата во државната администрација да се зема на 20-ти за претходниот месец, односно платите да доцнат. Се воспостави ред и нормално финансирање, но сега одеднаш како да се враќаме во тој период. Тоа покажува дека буџетот е празен или дека се трошени средства без план што ќе ти дојде на исто“, пишува Оливер Андоновски во колумната „Состојба редовна“.
*
“Krivi smo mi” (Ние сме виновни) е рефренот на една од најпознатите и веројатно најважните песни на „бардот“ Ѓорѓе Балашевиќ (1953 – 2021) од 1993 година, сред босанската војна.
Ние сме виновни, Балашевиќ обвинувачки се обрати кон своите сонародници, им дозволивме да мразат, да пукаат и да извикуваат: Пукај! За жал, неговиот обид да ги разбуди луѓето тогаш не успеа. Не само земјите од Западен Балкан и нивните народи се виновни за жалната состојба во земјите од Западен Балкан денес, туку и таканаречениот Запад, особено ЕУ и нејзините земји членки, од кои Германија е важен играч, пишува Гудрун Штајнакер во анализата „Раздели па владеј, издание на 21 век: Стратегијата на клептократите во Западен Балкан и улогата на ЕУ“.
Д. Муратов
