ВЕСТ НА ДЕНОТ
Мицкоски по средбата со Орбан: Македонија со поддршка за Украина и мирот, огромен интерес за унгарскиот кредит
Нашата стратешка цел како држава да бидеме дел од европското семејство, нешто што го заслуживме многу одамна, била, е и ќе остане наша стратешка цел, но исто така мораме да потенцираме дека тоа што македонските граѓани го дадоа за реализирање на оваа стратешка цел, која за жал не е поместена од состојбата која беше пред 20 години, е навистина бесценета, односно цената е толку голема, што не може да се утврди, бидејќи пред се зборуваме за процесот на билатерализација на преговори, а не за европеизација на преговорите, порача денеска премиерот Христијан Мицкоски од Будимпешта на заедничката прес-конференција со унгарскиот премиер Виктор Орбан.
Како што јави специјалниот известувач на МИА од Будимпешта, Мицкоски изрази надеж дека овој процес конечно ќе биде откочен за земјава, со голема поддршка од Унгарија.
ИЗЈАВА НА ДЕНОТ
Силјановска Давкова: Не е лошо човек понекогаш да се извини, треба да се мерат зборовите во Собранието, од СДСМ велат дека Силјановска ја штити и релативизира за Кочоска, таа е нем набљудувач на дискриминацијата
„Сум рекла многупати дека во Собранието треба да се мерат зборовите. Особено мажите треба да ги мерат зборовите. Ние жените треба да внимаваме кога е во прашање друга жена. Не е лошо човек да се извини. Намерата не била лоша намера, мислам дека ќе не доведе до надменување на ваквите проблеми“, рече Сиљановска-Давкова на новинарско прашање, при учеството на националната конференција „Заедно сме посилни“.
РЕГИОН
Во српското Собрание владее тотален хаос. Опозиционерите запалија факели во собраниската сала. Летаат и шишињата, пренесуваат повеќе српски медиуми.
— MMMarija (@Marija64729972) March 4, 2025
СВЕТ
Трамп ја суспендира воената помош за Украина
Американскиот претседател Доналд Трамп нареди суспензија на сета воена помош за Украина, изјави за Блумберг на 3 март висок функционер на Министерството за одбрана, што го ескалира притисокот врз претседателот Володимир Зеленски само неколку дена откако жестоката размена во Овалната соба фрли сомнеж за американската поддршка за Кијив. Според официјалниот претставник, целата американска воена помош за Украина е во мирување додека Трамп не утврди дека украинските лидери вложуваат вистински напори за мир, пренесува Кијив индипендент.
АЛ-ПРЕС
Косовскиот премиер Албин Курти и денеска изјави дека е подготвен да сведочи за Специјалното обвинителство, но тоа мора да го направи во неговиот кабинет, а не во Обвинителството, јавуваат косовските медиуми, пренесе ЦИВИЛ Медиа.
„Прво, никогаш не сум рекол дека нема да сведочам или одбивам да сведочам, иако реков дека не само што сум подготвен, туку и заинтересиран да сведочам. Од друга страна, го напишав и писмото со распоредите кога може да се даде исказот“, рече Курти.
ФОРУМ
ПРАШАЊЕ НА ДЕНОТ: Што мислите за барањето на ССМ за 500 евра минимална плата
Меѓународна Конференција на ЦИВИЛ: „Украина и светот: Отпор против агресијата, победа над авторитаризмот“
По три години отпор на Украина против руската агресија, глобалната борба за демократија, правда, и вистина – никогаш не била поважна и поитна.
Конференцијата е во организација на ЦИВИЛ – Центар за слобода (Северна Македонија), Медиа Дијалог и Младите за медиумите (Германија), Нов европски граѓански форум (меѓународна организација), кои се организации основачи на глобалната иницијатива #DefendingDemocracy.
Еминентни меѓународни експерти, креатори на политики, новинари и претставници на граѓанското општество учествуваа на онлајн конференција на тема „Украина и светот: Отпор против агресијата, победа над авторитаризмот“.
Д. Муратов
