ПОЛИТИЧКИ ОК КОРАЛ
Филипче побара, Мицкоски размислува да прифати затворена седница на Собрание, да каже каков е планот за евроинтеграциите
Од СДСМ потенцираат дека ВМРО-ДПМНЕ и Владата имаат должност да го информираат Собранието и пратениците кои се следните чекори во однос на ЕУ интеграциите откако целосно го закочија процесот, а Албанија се одвои од Македонија на патот кон ЕУ.
„Граѓаните не смеат да останат без јасна перспектива, ниту ВМРО-ДПМНЕ има право еднострано да ги прекинува преговорите, без јасно да каже што е алтернативата. СДСМ ќе делува контруктивно во Собранието и ќе ја поддржи секоја искрена идеја да се надмине оваа состојба на статус кво во која сме доведени. ВМРО-ДПМНЕ мора да сфати дека не е веќе опозиција и да демонстрира лидерство и визионерство наместо да ги гледа тесно партиските интереси“, велат од СДСМ.
Премиерот Христијан Мицкоски најави дека ќе го анализира предлогот на лидерот на СДСМ, Венко Филипче да свика затворена седница за идните чекори за евроинтегративниот процес и дека бргу од денеска ќе даде конкретна позиција поврзана со овој предлог.
ИЗЈАВА НА ДЕНОТ
Агелер: Немате поголем поддржувач и партнер во остварување на вашите цели од САД
„Нема поголем поддржувач и партнер во остварување на вашите цели од САД и знам дека тоа беше повторено и на средбата меѓу претседателот Џо Бајден и Гордана Сиљановска Давкова“, изјави американската амбасадорка Анџела Агелер.
РЕГИОН
Десетици жртви во поплави во Босна и Херцеговина
Министерот за одбрана на БиХ, Зукан Хелез, соопшти дека неофицијално добил информации за 20 загинати лица во поплавите и одроните во општина Јабланица, која се наоѓа на северот од Херцеговачко-неретванскиот кантон (ХНК) во Босна и Херцеговина.
СВЕТ
Парламентарното собрание на Советот на Европа ја усвои резолуцијата за одбележување на 90-тата годишнина од Гладоморот во Украина
„За време на Парламентарното собрание на Советот на Европа беше усвоена резолуцијата „Одбележување на 90-тата годишнина од Гладоморот-на Украина повторно ѝ се заканува геноцид“. Ѝ благодариме на Северна Македонија за поддршката на резолуцијата!“, напиша на платформата Х, украинската амбасадорка во Македонија, Н.Е. Лариса Дир.
ГРАЃАНСКА АКЦИЈА: Што мислите за безбедноста на патиштата?
АНАЛИЗИ
„На економско-социјален план, она што им го вети на бирачите, актуелната власт не го спроведе. Постои ли некој социјален слој што треба да биде задоволен? Ако тоа не се вработените, а ниту работодавачите, тоа секако само оние најмоќните – економската олигархија – може да бидат задоволни. Но тие знаат да мрморат, бидејќи не сакат да ја испуштат контролата од своите раце.
Од досегашните 100 дена на власта единствено може да биде задоволна само – власта. Или само оние кои сметаат дека ја имаат контролата врз неа како, на пример, првиот човек на Стопанската комора или нашите од „црната листа“, оние недопирливите. Засега, сѐ оди според планот“, пишува Љубомир Костовски во анализата „100 ДЕНА ВЛАДА: Горчливата жетва на ветувањата“.
*
И покрај големите зборови и декларации, меѓународните мировни иницијативи остануваат симболични. На 25-годишнината од декларацијата на ОН за „Култура на мирот“, авторитарните режими како Русија продолжуваат да ги експлоатираат глобалните институции, оставајќи ги цивилите да го сносат товарот од тековните војни и кризи – Политички есеј објавен во Балкан Форум по повод Декларацијата за култура на мирот и Генералното собрание на ОН, пишува Џабир Дерала во колумната „Празното ветување за глобален мир: Како центрите на моќта и инерцијата поттикнуваат конфликти“.
Д. Муратов
