ВЕСТ НА ДЕНОТ

Претседателката на ДКСК обвинета за споделување службени тајни по Вибер и Ватсап

Јавното обвинителство доставило предлог за мерки за претпазливост за претседателката на Државната комисија за спречување на корупција (ДКСК), Татјана Димитровска, во рамки на предметот „Адитив“, издаде налог за привремено одземање на патната исправа и забрана за издавање нова и, Забрана за преземање одредени работни активности поврзани со кривичното дело, информираат од Основниот кривичен суд Скопје.

„Како службено лице, претседател на ДКСК од месец мај до месец декември 2024 година на неповикано лице обвинето во предметот Адитив на друг начин му сторила достапни податоци кои согласно чл. 25 и чл. 50 од Законот за спречување на корупција и судир на интереси, како и чл. 289 од ЗКП претставуваат службена тајна.

Таа преку својот службен телефон и апликациите Viber и WhatsApp му давала податоци на обвинетиот за поведени постапки, за отворање на предмети против сега обвинетите правни и физички лица во предметот Адитив и одлуки по истите, како и податоци за проверка на имот и неговото семејство. Со своите дејствија таа открила податоци што согласно закон се сметаат за службена тајна и чие откривање може да има штетни последици како за службата, така и за постапките што се водат пред ОЈОГОКК“, потенцираат од Обвинителството.

Предметот „Адитив“ се однесува на истрага за злоупотреба на јавни набавки и перење пари во врска со набавката на адитиви за јаглен за потребите на АД ЕСМ – Подружница РЕК Битола и РЕК Осломеј. Обвинети се 31 физичко лице и 5 правни лица.

ИЗЈАВА НА ДЕНОТ

Руте: Русија е долгорочна закана за територијата на НАТО

Генералниот секретар на НАТО, Марк Руте, вчера, по разговорите со американскиот претседател Доналд Трамп и високи членови на американската администрација во Вашингтон, изјави дека Русија останува долгорочна закана за Алијансата, пренесе ДПА.

-Сите се согласуваме во Алијансата дека Русија е долгорочна закана за територијата на НАТО – за целата евроатлантска територија, изјави Руте по состанокот во Белата куќа.

Запрашан за можноста за мировен договор меѓу Русија и Украина, Руте рече дека сега „нешто е на маса“, додавајќи дека топката е очигледно на теренот на Русија.

СВЕТ

РУСКИОТ РАКЕТЕН ТЕРОР ПРОДОЛЖУВА: Во нападот врз Павлоград убиени 3 лица, меѓу кои и дете, повредени најмалку 10

Руските војници го нападнаа градот Павлоград во Днипропетровската област со беспилотни летала на 25 април, убивајќи три лица, меѓу кои и едно дете, а повредија најмалку 10 други, изјави гувернерот Сергеј Лисак.

РЕГИОН

Вучиќ разговарал телефонски со Путин

Претседателот на Србија, Александар Вучиќ, синоќа изјави дека претседателот на Русија, Владимир Путин, во последниот разговор му рекол дека внимателно ја следи ситуацијата во Србија и дека ја опишал обоената револуција во три реченици, пишуваат српски медиуми.

Вучиќ изјави дека со Путин разговарал за бројни теми, првенствено за аранжманот со гас, но му рекол и дека никогаш нема да бега никаде и дека нема да му биде товар.

„Му реков дека само едно е сигурно, а тоа е дека никогаш нема да избегам, никогаш нема да се кријам никаде и нема да ви бидам товар како Јанукович и другите“, рече Вучиќ.

ПРАШАЊЕ НА ДЕНОТ:

АЛ-ПРЕС

Редакциски избор од албански медиуми во регионот: Конституирањето на косовското собрание не успеа ниту по шестиот обид; ЦИК ги објави кварталните трошоци на партиите – ВВ потрошила највеќе; СПАК го конфискува станот на поранешен уставен судија

СЛОБОДНА ЗОНА

„Мицкоски и Тошкоски ја „даваат главата“ на министерот без ресор Шабан Салиу за да ја спасат својата. Салиу обвинува дека неговото аспење е селективно и дека тоа е удар врз Ромите кои се најлојален народ и дека во притвор остана како што вели: „само Циганот Шабан“, пишува Дехран Муратов во колумната „Мицкоски и Тошковски ја даваат „главата“ на министерот без ресор Шабан Салиу за да ја спасат својата“.