ВЕСТ НА ДЕНОТ
Уапсени се 18 лица, четворица се во притвор за инцидентите за Денот на албанското знаме
Министерството за внатрешни работи досега има уапсено 18 лица поврзани со инцидентите на Денот на албанското знаме, од кои четворица се во притвор, додека за десетина се покренати прекршочни постапки поради „дивеењeто“ на улиците и сообраќајниот хаос којшто настана, информираше министерот за внатрешни работи Панче Тошковски, по денешната билатерална средба со неговиот босански колега Ненад Нешиќ.
Тошковски упати апел за разум и мудрост, и порача дека МВР одлучно ќе одговори против сите коишто ќе се обидат да го погазат достоинството на граѓаните на Македонија, без оглед дали станува збор за сквернавење на државен симбол на Македонија или на која било соседна земја. Изрази надеж дека станува збор за изолирани случаи, со оглед на тоа дека сторителите на кривичните дела биле млади луѓе, но како што рече „не ми личи за таква работа“.
ИЗЈАВА НА ДЕНОТ
Руте: Русија и Кина се обидуваат да ги дестабилизираат државите на НАТО преку саботажи
– Русија, но и Кина, се обидуваат да ги дестабилизираат државите на НАТО преку акти на саботажа, кибер криминал и се разбира, исто така, со обидите за користење на енергијата како оружје, истакна Руте пред почетокот на министерскиот состанок на кој учествува и шефот на македонската дипломатија Тимчо Муцунски.
РЕГИОН
САД со критика за предложениот закон за странски агенти во Србија
САД изразија длабока загриженост за потенцијалното влијание на предложениот закон за странски агенти во Србија врз демократијата, човековите права и основните слободи, вклучувајќи ги слободата на изразување и здружување, се наведува во изјавата на портпаролот на Стејт департментот за Радио Слободна Европа (РСЕ).
Предлог-законот беше поднесен од пратениците на Социјалистичкото движење, чиј основач е вицепремиерот Александар Вулин, а предвидува регистрација на сите здруженија и непрофитни организации кои се финансирани од странство.
СВЕТ
Во Грузија се засилуваат проевропските протести
Деновите на протести ја потресоа Грузија по контроверзната одлука на владата да го одложи обидот на поранешната советска земја да се приклучи на Европската унија. Тензиите се создаваат со месеци во јужнокавкаската држава со 3,7 милиони жители, каде што критичарите ја обвинуваат владејачката партија Грузиски сон дека следи се поавторитарни, проруски политики во одвраќање од Западот што ги ублажи надежите за долго ветениот пат на Грузија. за членство во ЕУ.
ФОРУМ
ПРАШАЊЕ НА ДЕНОТ: Што мислите за црвените линии на Мицкоски?
;
СЛОБОДНА ЗОНА
ЦИВИЛ – 25 години
Зоран Иванов за ЦИВИЛ: Демократски бренд за безгранична слобода на мислата
Во катадневните свои битки за мир, за еднаквост на луѓето, за правда и правичност за секого и за сите, ЦИВИЛ беше и останува конкурентен демократски бренд на македонскиот и на меѓународниот јавен простор.
Веќе четврт век, ЦИВИЛ е најшироката овдешна платформа, терен за демократија, за севкупен општествен просперитет, за другарство и солидарност, за држава на еднакви луѓе.
Со својата упорност ама и со својата уникатна инаетливост, Дерала и Тимот на ЦИВИЛ, и во спокој и во неспокој, без задршка, без миг дилема и колебливост, опстојуваат врз својот базичен принцип – Безгранична Слобода за Мислата.
На Кормиларот Џабир и на Тимот на Цивил им посакувам ОД до 100. ЦИВИЛ, Честит 25-ти јубилеен РОДЕНДЕН!
Тони Поповски за ЦИВИЛ: Упорни во мисијата за изградба на толерантно, слободно и прогресивно општество кое силата ја црпи во различностите
За мене ЦИВИЛ останува едно од ретките и примерни здруженија на граѓани кај кои може да се забележи впечатлива конзистентност и упорност во спроведувањето на мисијата за изградба на толерантно, слободно и прогресивно општество кое силата ја црпи во различностите.
ЦИВИЛ го заслужува своето име бидејќи го одликува цивилност во размената на аргументи, конструктивност но и храброст да се влезе во пожестока полемика со влијателни центри на политичка моќ, бранејќи ги вредностите и начелата за кои се залага, а кои се втемелени во нашиот Устав и повелбите на ЕУ и ООН.
Патувањето на ЦИВИЛ продолжува, и на тоа патување може да сметаат на моја безрезервна поддршка.
Честитки за годишнината на ЦИВИЛ.
Д. Муратов
