ВЕСТ НА ДЕНОТ
Општините раководени од ВЛЕН ќе ја финансираат албанската Академија за наука и уметност, СДСМ, ВМРО-ДПМНЕ и ДУИ се против
Градоначалниците на четири општини, кои се дел од Коалицијата „Вреди“ вчера во Тетово одржаа нова средба со професори од Здружението на граѓани Албанска академија на науките и уметност со цел, како што велат, да се динамизира институционализацијата на оваа организација. На средбата беа градоначалниците на Тетово, Гостивар, Желино и Чаир.
СДСМ нема да поддржи никаков паралелизам во институциите. Науката не смее да се етнизира на ниеден начин и во ниеден случај. За СДСМ и за мене како претседател ова е тенденциозна политичка порака која им служи единствено на намерите за поттикнување на поделби кои носат огромна штета за граѓаните и општеството“, вели Филипче.
Постои една Академија на науките и уметностите и тоа е став на ВМРО-ДПМНЕ, Владата и на академиците од различни етнички заедници, изјави денеска премиерот Христијан Мицкоски.
Како ДУИ не се согласуваме со овој принцип на функционирање. Албанската академија пропагирана како национално ниво стана една невладина организација и ние не сме дел од такви проекти. Во оние општини каде функционираат партиите на Вреди сме опозиција, не сме дел од владејачкото мнозинство, изјави денеска Фатон Ахмети од ДУИ.
ИЗЈАВА НА ДЕНОТ
Бислимоски: Цената на парното ќе биде стабилна, не очекувам никакви промени
Сега ние во пресметките сме влезени со цена на природниот гас од околу 40-ина евра за мегават час, ако отиде екстремно високо тогаш може да разговараме за зголемување на цената на парното, но, не верувам дека ќе имаме такви драстични промени, така што за цената на парното не очекувам никакви промени, изјави Бислимоски на паузата на состанокот на Експертската мисија TAIEX за транспонирање на законодавството на ЕУ за електрична енергија чиј коорганизатор е РКЕ.
РЕГИОН
Брод од Италија со 16 емигранти од Африка пристигна во пристаништето во Шенѓин
Брод од Италија со 16 емигранти од афрички земји се закотви во пристаништето во Шенѓин, Албанија, што претставува прва група на емигранти која албанските власти прифатиле да ги сместат. На бродот Либра, кој потекнува од пристаништето Лампедуза, Италија, се вели дека има 10 емигранти од Бангладеш и шест од Египет, кои биле спасени на море по заминувањето од Либија.
СВЕТ
Зеленски го претстави „планот за победа“ во украинскиот Парламент
Украинскиот претседател Володимир Зеленски денеска во Врховната рада го претстави „планот за победа“, кој се состои од пет клучни точки, пренесува Киев Индипендент, пренесува МИА.
Како прва точка е членство во НАТО, следува одбраната, па одвраќање на руската агресија, економски раст и соработка и последната е повоена безбедносна архитектура.
ГРАЃАНСКА АКЦИЈА
ПРАШАЊЕ НА ДЕНОТ: Што мислите за иницијативата за формирање албанска Академија на науките и уметностите?
СЛОБОДНА ЗОНА
„Реториката на Мицкоски не е само политички став – тоа е опасна игра која ризикува да ја повлече Северна Македонија од нејзиното вистинско место во евроатлантската заедница. Неговите антизападни наративи, обвиткани во многуслојна кампања за јакнење на националистичките сентименти и тврдења засновани на лаги и антизападни наративи, се идентични на тактиките што ги користат авторитарните режими во регионот и низ Европа. Доколку не се разобличи, овој пристап ќе ја фрли земјата во изолација, ќе ги уништи придобивките од демократските процеси и сериозно ќе ја загрози стабилноста што ја гарантираат сојузите на демократскиот Запад“, пишува Џабир Дерала во колумната „НЕ во ЕУ: Исполнување на ултрадесничарската агенда“.
Д. Муратов
