Невладината организација ЦИВИЛ цели 24 години го турка каменот на Сизиф до повисоки демократски дострели кој одново и одново паѓа во кањонот Македонија.
И пак од почеток, се така додека не превладее сознанието дека не треба да се смилуваат „боговите“ за големо мнозинство граѓани да открие дека не е тоа божја казна, туку макотрпна работа да се биде ослободен од стегите на моќта, пропагандите, омразата и стравот.
ЦИВИЛ го крева тој камен упорно дури кога тоа изгледа безнадежно. Така со текот на годините оваа организација и храбрите луѓе што таму работат станаа препознатлив македонски бренд за заштита на човековите права и слободи. И не само на тој сегмент, туку и на сите обележја кои означуваат демократски и цивилизациски општества како што се осуда на секој облик на шовинизам и дискриминација, значењето на независни и слободни медиуми, независни институции во служба на граѓаните, фер и демократски избори, заштита на човековата околина и воздигнување на еколошка свест, развој на културата и уметноста.
Луѓето од ЦИВИЛ сите овие човекови права и предуслови за демократско општества не ги пропагира како што го прави тоа политиката и политичарите, туку тоа го работи предочувајќи ги на јавноста сите аномалии и блокади на демократските процеси.
Текстот е личен став на Авторот.
