ЦИВИЛ Медиа доби фотогорафии од затвореници што покажуваат страшни сцени од затворот Идризово. Затвореницие бараат помош и интервенција.
Од она што може да се види на фотографиите, условите се неподнoсливи и во сосема спротивна насока на основните човекови права. Некои спијат на под, на влажно место. Според изјавите на затворениците и како што се гледа на самите слики, влага има на сите страни од просториите. Условите се мизерни и во бањите, со уништени и влажни ѕидови, а на многу места демне опасноста и од електричната инсталација која е во лоша состојба.
150 евра позајмување на еден кревет
Во анонимност, поради страв од можни последици, затвореници се жалат дека за добивање на кревет им се бара 100 евра, а дополнително 50 евра за душек, месечно.
„Кој ги нема тие пари спие на под. Немаме ни приватност за да се облечеме кога се бањаме, немаме ни кај да ги оставиме работите кои ни ги носат роднините од дома“, известува за ЦИВИЛ Медиа затвореник од Идризово.
Затворениците кои деновиве ги испратија овие вознемирувачки фотографии, кажаа дека дека почнале да штрајкуват и со глад.
„Денеска ја одбивме храната. Во вакви екстремно лоши услови, ниту можеме да јадеме, а ниту храната не е како што треба. Затоа денеска ја одбивме и бараме сите услови да се поправат. Ние тука живееме полошо и од затворениците во Африка“, нѐ извести еден од затворениците во Идризово на почетокот на оваа недела.
Арбен Зеќири
Изјава во врска со тврдењата на затворениците побаравме од директорот на КПД Идризово, Боби Мојсоски.
Преземање на содржините e ЗАБРАНЕТО (!!!), освен со писмена дозвола од ЦИВИЛ и тоа исклучиво според Условите за користење, авторски права и заштита на приватноста. Повредата на авторските права е забранета со закон.
Со преземање на било која содржина објавена на ЦИВИЛ Медиа, спротивно на Условите, се согласувате на ЦИВИЛ да му исплатите надоместок од 60.000 денари во рок од осум дена по преземањето на содржината. Оваа обврска не застарува, а за секое доцнење на исплатата ќе биде пресметана соодветна законска камата. Врз основа на посебен договор за соработка и размена, ниедно ограничување не важи за Слободен печат.
Доколку некоја содржина е потпишана со ЦИВИЛ Тим за комуникации, тогаш преземањето е дозволено во целост.
