ВЕСТ НА ДЕНОТ: Пахор: Ќе продолжи словенечката поддршка на патот кон полноправно членство во ЕУ
Република Словенија ќе продолжи да Ве поддржува на патот кон полноправно членство во Европската Унија и на тој пат не треба да постојат неправедни условувања кои ќе го кочат процесот, истакна словенечкиот претседател Борут Пахор на денешната средба со претседателот на Собранието Талат Џафери.
Пахор изразил огромна благодарност за можноста за размена на мислења и за обраќање пред пратениците во Собранието, како израз на пријателство и градење сојузништва особено во тешки и непредвидливи времиња.
Тој, како што се наведува во соопштението од собраниската прес-служба, ја поздравил државничката мудрост на претходната влада и собраниското мнозинство за надминувањето на сензитивни и тешки билатерални прашања со соседите. Истовремено, му посакал успех на Џафери во текот на мандатот и во донесувањето на претстојните стратешки одлуки за кои, како што рече, ќе биде потребно поголемо општествено обединување.
ЦИВИЛНИ АКТИВНОСТИ
Зелена анкета: Проблемот е во невработеноста на младите, останатото сè се решава
Зелена анкета: На локално ниво граѓанките и граѓаните незадоволни од зелените политики
ФЛЕШ ВЕСТИ
Премиерот Зоран Заев денеска изјави дека нема да има ново одложување на пописот, тој ќе се спроведе во април 2021 година.
Министерот за правда Бојан Маричиќ денеска се обрати на онлајн регионална конференција насловена како „Време на предизвици – кохезија на Берлинскиот процес и европските интеграции на Западен Балкан“ каде истакна дека граѓанските организации треба да бидат вклучени во преговорите со ЕУ.
Франција гледа капацитети во Северна Македонија за европските интеграции. Важно е нашата држава да го задржи курсот напред на евроатлантскиот пат, било посочено на средбата меѓу премиерот Зоран Заев и францускиот амбасадор во заминување Кристиан Тимоние.
Поведена е кривична пријава против еден полициски службеник од Битола, кој вчера брутално нападна Ром во Битола. Тој заедно со уште еден негов колега кој бил присутен за време на инцидентот ќе бидат суспендирани, објави попладнево министерот за внатрешни работи Оливер Спасовски.
Министерката за одбрана Радмила Шекеринска денеска имаше средба со нејзиниот словенечки колега Матеј Тонин, кој како дел државната посета на претседателот на Словенија, Борут Пахор, престојува во официјална посета на нашата држава.
Скопскиот градоначалник Петре Шилегов на вчерашното затворање на фестивалот „Синедејс“, што се одржа на зелениот покрив на Градскиот трговски центар-ГТЦ, го повика претседателот Стево Пендаровски заедно да го уредат покривот на овој култен објект во Скопје.
Министерството за труд и социјална политика информира дека во тек е третата и последна дополнителна исплата на правата од социјална и детска заштита за месец 08/2020 година.
СЛОБОДНА ЗОНА
„Ѓупска работа, возат пијани, а што да згазеа некое дете“, „Што си бараа тоа си најдоа“, „Еве ви дојде живот, сега нека ве тепаат“, „За кило салама ги гласавте, сега џигерот ќе ви го скинат од ќотек“, „Хитлер врати се“… ова се само дел од коментарите на социјалните мрежи по објавување на видеото во кое полициски службеници брутално тепаат Роми во Битола.
Дел од тие што коментираа(т) и го споделуваа(т) видеото со полициската бруталност се обидоа да ја насочат вината кон актуелната власт, дека тоа се случува само сега со Амин од државата. Оние што ги влечеле во минатото „циганите за уши“, денес им се ситат дека „им дојде живот на Ромите“ и дека самите си се виновни оти гласале за оваа власт. Но, да не се лажеме, полициска бруталност имало од секогаш!“, пишува Дехран Муратов во колумната „Roma lives matter!“.
