пишува: ЈАНЕ ЃОРЃИОСКИ
Драг сограѓанину Димче шовинистче, како она рече:
Е, замисли ваква ситуација Димче:
Замисли Левица да има нормален претседател и претставник во Парламентот, наместо шовинист како тебе, и тој да се бори за правата на сите без разлика на етничката, или каква и да е друга определба и да не му смета именуван функционер само затоа што е од друга националност и ништо друго.
Дали тоа нема да те фрустрира?
Дали ти како шовинист ќе се осеќаш пријатно во таква ситуација?
Е токму тоа ти Димче од „славна“ Левица им го правиш на сите Македонци – да им е срам од тебе. Во име на твоите шовинистички фрустрации си ги лечиш комплексите злоупотребувајќи го ирационалното вето од соседна Бугарија и осетливоста на македонските граѓани во вакви моменти.
Со кое право?
Со чие полномошно?
Дали мислиш дека тоа агресивно верување во твојата „национална супериорност“, ти го даваат овие 6.4к лајкачи на Фејсбук после твојата објава „Драги мои Албанци“, или пак мислиш дека тоа право ти го даваат оние десетина кои ти доаѓаат на протестите што ги организираш и поддржуваш? Немој да се залажуваш дека го имаш полномошното од оние самосвесните што те гласаа на изборите, оти одамна имаат кренато раце од тебе и се чудат каде им бил паметот. Oвој твој последен шовинистички испад само им е потврда. Погледни си го тајмлајнојт.
Дали мислиш дека лајкачите ти даваат полномошно да навредуваш и изолираш цел еден народ што живее работи и си ја сака Македонија за своја?
Ти воопшто не ја спориш умешноста на функционерот (да го направеше тоа ќе беше легитимно), е мој Димче шовинистче, ти ја спориш етничката припадност на Министерот за надворешни работи, нагласуваќи го со големи букви неговото презиме ОСМАНИ и што е уште позагрижувачки, ти не си ни свесен колку е тоа забегано, ами сериозно повикуваш и бараш негово отповикување само ради неговата етничка припадност. Не ми се верува колку си заминат.
На што повикуваш ти национал-шовинистче: на сегрегација, на федерализација, на нови возови кон логори, на размена на територии, на крв ли повикуваш таков невреден и набилдан со омраза.
Кој си ти?
Добро, сите знаеме чиј си ти политички производ, но кој си ти и нели ти е срам еве да речеме од докторските титули со кои се петелиш, или нели ти е бар малку срам од гласачите кои не се Македонци, а ги прелажа на минатите парламентарни и ти дадоа поддршка.
Мене како Македонец ми е срам дека имаме вакви шовинсити како тебе, што без никаква задршка искажуваат крајно нацистичка нетрпеливост и недоверба.
Затоа драг мој Димче шовинистче, сега, во овие драматични моменти кога дрско си го покажа шовинистичкиот лик, добро не ти е прв пат, но сега е моментот да си ги собереш парталите од политичката сцена, да им ја оставиш партијата на тие што избегаа од тебе, а не од левичарската идеологија и да застанеш рамо до рамо со Миленко, Пандов и шовинистичка компанија, како што е ред и каде што ти е местото.
Смрт за шовинизмот, слобода за граѓаните!
*Шовинизмот, во оригиналната смисла на зборот, е екстремен национализам и агресивно верување во националната супериорност и слава. Шовинизмот вклучува екстремна и неразумна пристрасност во име на која било група на која некој припаѓа, особено кога пристрасноста вклучува злоба и омраза кон ривалските групи. (извор: Википедија)
