Нашата култура е она што нè обликува, го формира нашето однесување и нашиот идентитет. Културата е наш начин на живеење, која се однесува на споделениот јазик, верувања, вредности, норми, однесувања и материјални предмети што се пренесуваат од една генерација на друга.
Терминот „културна разновидност“ често се користи наизменично со концептот на „мултикултурализам“.
Како најважни активности вклучени во дефинирањето на мултикултурализмот се издвојуваат признавањето на обилната разновидност на културите; почитување на разликите; признавање на валидноста на различните културни изрази и придонеси; вреднување на она што другите култури го нудат; поттикнување на придонесот на различни групи; оспособување на луѓето да се зајакнат себеси и другите да го постигнат својот максимален потенцијал со тоа што ќе бидат критични кон сопствените пристрасности; и прославување на различностите наместо само да се толерираат разликите со цел да се донесе единство преку различноста.
Културната разновидност е важна затоа што нашата земја, работните места и училиштата сè повеќе се состојат од разни културни, расни и етнички групи. Можеме да учиме едни од други, но прво, мора да имаме ниво на разбирање едни за други. Учењето за другите култури ни помага да разбереме различни перспективи во светот во кој живееме. Тоа помага да се растеруваат негативните стереотипи и личните пристрасности за различни групи.
Покрај тоа, културната разновидност ни помага да препознаеме и да ги почитуваме „начините на постоење“ кои не се нужно наши. Така што, додека комуницираме со другите, можеме да градиме мостови за доверба, почит и разбирање низ културите. Понатаму, оваа разновидност ја прави нашата земја поинтересно место за живеење. Бидејќи луѓето од различни култури придонесуваат со јазични вештини, нови начини на размислување, нови знаења и различни искуства.
Промовирањето на различностите мора да стане суштински дел од секоја организација. Социјални медиуми, инстант вести и моќни гласови. Како што технологијата се развива, образованието расте, а вработените го користат своето право на глас, деловните субјекти имаат обврска да ги решат загриженостите за културните разлики и различностите на работното место.
Важно е да се прегледаат придобивките што можат да ги уживаат и компанијата и вработените при одговарање на прашањето „зошто е важна културната разновидност на работното место?“
Разновидноста на работното место може да има моќно влијание врз лидерството. Од градење култура на компанија до привлекување разновидни кандидати за време на вработувањето, лидерство е лицето и гласот на компанијата. Кога сите во една компанија се од иста позадина, многу е веројатно дека ќе имаат слични идеи. За да останат конкурентни, на компаниите им се потребни нови идеи и концепти. Разновидна работна сила носи уникатни перспективи за тоа како да се решат проблемите и да се иновираат за да се добие конкурентска предност. Посветеноста кон различноста покажува дека компанијата ја цени праведноста и еднаквоста.
Во знак на поддршка кон различностите, големи светски компании преку нивните кампањи, ја поттикнуваат различноста и промовираат културната рамноправност. Бенетон, Најк, Лореал, Џонсон и Џонсон, Форд Моторс… се само дел од светските компании кои неуморно ги промовираат различностите со цел клиентите ширум светот да се чувствуваат вклучени во борбата против секаква дискриминација.
БЕНЕТОН: ЛИЦЕТО НА ГРАДОТ (BENETTON – FACE OF THE CITY)
Обединетите бои на Бенетон започнаа нова глобална кампања „Лицето на градот“, за да ја прослават етничката различност.
Фокусирајќи се на шесте модни метрополи на светот, Лондон, Париз, Берлин, Њујорк, Милано и Токио, кампањата „Лицето на градот“ започна со истражувањето на Бенетон за етничката разновидност пронајдена во секој од овие шест поголеми градови. Со дигитално мешање на фотографии на жени кои ја претставуваат оваа етничка разновидност, крајната слика ја претставува и слави уникатната културна мешавина во секој од модните метрополи, и низ целиот свет.
„Моделите кои ја носат нашата нова колекција не постојат“ – се вели во новото видео на оваа светска модна куќа.
ЛОРЕАЛ: РАЗБИРАМЕ, ПРИФАЌАМЕ И ПОТТИКНУВАМЕ (UNDERSTANDING,ACCEPTING AND ENCOURAGING)
Лореал, компанијата за козметика и нега, преку својата кампања „Разбираме, прифаќаме и поттикнуваме“ веруваат дека посилните компании и посилните заедници се создаваат кога луѓето од секоја култура, потекло и начин на живот ќе бидат прифатени и ценети.
Тие создаваат производи за луѓе од сите сфери на животот низ целиот свет. За да се осигураат дека нивните производи ги исполнуваат потребите на секоја форма на убавина во секоја култура, членовите на нивниот тим мора да бидат разновидни и инклузивни како и самиот свет.
НАЈК: ДОДЕКА СИТЕ НЕ ПОБЕДИМЕ (NIKE: UNTIL WE ALL WIN)
Како едно од најпознатите имиња на брендови на сите времиња, не само во спортска облека и опрема, неодамнешните кампањи на Најк ги засилија гласовите на недоволно застапените заедници. Марката создаде серија реклами во рамките на кампањата наречена „Додека сите не победиме“ за да ги истакне приказните за домородните народи и LGBTQIA+ спортистите. Целта на кампањата е „да ги обедини и инспирира луѓето да преземат активности во нивните заедници“ користејќи ја моќта на спортот.
Ако оставиме настрана какви било предрасуди или пристрасности што ги имаме и сме отворени кон други луѓе, тоа може да ни помогне да се подготвиме да слушаме, да разговараме и да учиме за другите луѓе и нивните култури.
Еден од најважните први чекори што луѓето можат да го направат за да научат за другите култури е едноставно да прифатат дека постојат многу различни култури, освен нивната. Треба да започнеме да размислуваме за позитивните страни на различните култури и како опкружувањето со различни групи луѓе може да го збогати нашиот живот. Понекогаш некое лице можеби не знае многу за географијата или историјата, но мешајќи се и дружејќи се со луѓе од други култури, тие се дадена можност евентуално да се запознаат со географијата, религијата и обичаите на различни земји. Да се биде отворен за учење за различни култури ги охрабрува луѓето да имаат различни групи на пријатели кои вклучуваат луѓе од сите различни раси, етникуми, религии и сексуални ориентации.
Ирена Крџиќ
