• Latest

Во најновиот ковид бран зголемен процентот на заразени малолетници

March 24, 2021
Фотографија: Колаж/АП

Шенжен: Трамп повика на дијалог, Си на соработка, Путин на заедничко решавање конфликти

November 19, 2026
Јана Коцевска (фото: ИМА)

Јана Коцевска: Родовото насилство е нормализирано, институциите не обезбедуваат вистинска заштита

November 19, 2026

Тврдењето на Сиљановска-Давкова падна при основна проверка на фактите: Уставниот „рекорд“ не постои

November 19, 2026
Орце Ѓорѓиевски, градоначалник на Скопје (Wikipedia)

Скопје меѓу „шампон“ и ѓубре: Што велат 247 коментари за првата година на Орце Ѓорѓиевски?

November 19, 2026

Европска комисија предлага нови 45 милијарди евра за Украина во 2027 година

November 19, 2026

Правилното чување на тутунот е важно за зачувување на квалитетот пред откупот

November 19, 2026
Поморскиот сообраќај во Црното Море се соочува со зголемени безбедносни ризици. (Фото: Mosbatho / Wikimedia Commons, CC BY 4.0)

Два поморски инцидента за два дена во Црното Море, спасени 31 морнар

November 18, 2026
Гордана Сиљановска-Давкова гласа за вториот круг на претседателските избори во 2024. Фото: Toshe Ognjanov (VOA). Извор: Wikipedia

Сиљановска-Давкова и „рекордот“ во бројот на уставни измени: Тврдењето падна на проверката на фактите – статистиката во служба на националистичката реторика

November 18, 2026
Анти-владини протести, Братислава, 17 ноември 2026 (Фото: Скриншот од видео на APT News)

Словачка: Илјадници демонстранти протестираа против владата на Роберт Фицо

November 18, 2026
Беџ на АНБ (фото: Архива на Слободен печат)

АНБ и МВР разоткрија мрежа поврзана со Иран: Петмина уапсени поради сомневања за подготовка на атентат во Грција

November 18, 2026
CivilMedia
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
CivilMedia
No Result
View All Result
Home ЗДРАВСТВО КОВИД-19

Во најновиот ковид бран зголемен процентот на заразени малолетници

March 24, 2021 09:00
in ВЕСТИ, КОВИД-19
Share on FacebookShare on Twitter

Неделниот извештај на Институтот за јавно здравје, за периодот од 15 до 21 март, објавен вчера покажа дека бројот на новозаразени, починати и оздравени е зголемен во однос на минатата недела. Регистрирани сe 6.899 нови позитивни случаи од 35 градови во државата со зголемување од 26,4 отсто во однос на минатата недела, соопшти вчера Министерството за здравство. Највисока неделна инциденца е регистрирана во Неготино (заедно со Демир Капија).

Најголемо процентуално зголемување во однос на претходната недела е забележано кај возрасните групи од 10 до 19 години, односно 33,1 отсто.

Процентот на позитивност се движи од 23,4 отсто до 32,3 отсто, просечно 27,9 отсто, што е за три отсто повеќе во споредба со минатата недела.

Зголемен е и бројот на починати во однос неделата претходно. Пријавени се 158 смртни случаи од 27 градови, што е 22,5 отсто повеќе во однос на минатата недела.

Со статус „оздравени“ се стекнале 3.343 лица кои биле хоспитализирани или на домашно лекување, со зголемување од 22,1 отсто во споредба со минатата недела.

Висок процент на нови случаи на Ковид-19 покажа и вчерашната статистика. Од 3.728 тестирања, регистрирани се 1056 новозаразени, што е 28 отсто од тестираните. Пријавени се вкупно 25 починати лица, на возраст од 29 – 87 година, а оздравени 727  пациенти. Сите пријавени се починати во болнички услови и со коморбидитети, информираа од Министерството за здравство.

Досега во земјата се направени вкупно 595.686 тестирања на Ковид-19.

Вкупната бројка на ковид-дијагностицирани лица во нашата земја од почетокот на епидемијата изнесува 120.882, бројката на оздравени пациенти е 102.201, на починати е 3.528, а бројот на активни случаи изнесува 15.153. Најмногу активни има во Скопје – 7728, Прилеп – 920, Кавадарци – 648, Охрид – 588, Куманово – 553, Тетово – 458, Велес – 485, Битола – 472, Неготино – 427. Во другите градови има помалку од 400.

На инфективните оддели во Скопје и во болниците во другите градови се лекуваат 1392 пациенти со Ковид-19. Има околу 300 празни болнички кревети во ковид – центрите, од кои 70 слободни места во Скопје.

Во ковид – центрите во главниот град хоспитализирани се вкупно 569 лица. Голем број од пациентите се на кислородна поддршка. Во ковид – центрите во болниците во другите градови, пак, пријавено е дека се лекуваат вкупно 823 пациенти позитивни и суспектни на коронавирусот.

Во ковид центрите на интерните и на хируршките клиники се лекуваат 277 пациенти. Во ГОБ „8 Септември“ во Скопје има вкупно 123 болни, а на Клиниката за инфективни болести лежат 117 пациенти.Во болницата во Битола се хоспитализирани 82 пациенти, во Куманово 124, во Охрид 94, во Прилеп 117, Кавадарци 65. Во болницата во Гевгелија, каде се лекуваат 25 ковид-пациенти, се пожалија дека повеќе немаат слободни места. Во тој град десетина вработени во градинките се инфицирале со коронавирусот. И покрај големиот број на заразени вработени, од градинката велат дека воспитниот процес се одвива без никаков застој.

Во меѓувреме, продолжува вакцинирањето на здравствените работници. Заклучно со 22 март вкупно се вакцинирани 6.704 здравствени работници со прва доза (4.002 – „Фајзер“ и 2.702 – „Спутник В“ и 2.572 („Фајзер“) со втора доза на вакцина против Ковид-19.

Министерот за здравство Венко Филипче вчера потенцираше дека платите на оние кои го понесоа најголемиот товар од пандемијата, постојано растат.

-Кумулативно, заедно со сите зголемувања досега, вклучително и зголемувањата во месец февруари 2020 година, основната плата на лекарот специјалист ја зголемивме за 40 отсто, на медицинските сестри помеѓу 20 и 23 проценти. На општите лекари за 25 отсто, а на здравствени соработници за 15 проценти, напиша Филипче.

Во однос на полицискиот час, кој беше воведен за да се спречи ширењето на коронавирусот вчера МВР регистрира 13 прекршувања на забраната за движење и изрече 365 санкции за неносење маска.

Во светот досега се заразија над 124 милиони лица, починаа повеќе од 2,7 милиони, а како оздравени регистрирани се 100 милиони пациенти.

Европската комесарка за здравство Стела Кириакидес вчера ги повика сите земји кои произведуваат вакцини против Ковид-19 да придонесат за глобалната понуда и да го олеснат доброто функционирање на синџирите на снабдување.

– Ги повикуваме компаниите вклучени во синџирот за производство на вакцини да ги ослободат сите резерви и да ги почитуваат договорите, изјави Киријакидес на состанокот на Светската здравствена организација (СЗО) во Женева.

Потпретседателот на Европската комисија Марош Шефовиќ вчера изјави дека со договорите за вакцини со фармацевтските компании може да се очекува да се постигне целта да биде вакцинирано 70 отсто од ЕУ населението до крајот на летото и покрај проблемите со Астра Зенека.

Потпретседателот на Комисијата порача дека сега е време да се забрза испорака на договорените вакцини, и дека Астра Зенека и натаму не ги исполнува своите ветувања зацртани во договорите.

Сепак со дозите што треба да пристигнат од Модерна, Џонсон и Џонсон и Фајзер до крајот на вториот квартал, Европската Комисија е оптимист дека ќе се постигне целта на вакцинација на 70 отсто од возрасното население во ЕУ до крајот на летото.

ShareTweetSend
CivilMedia

СЛОБОДНО.НЕЗАВИСНО.ОТВОРЕНО

  • ЗА НАС
  • ИМПРЕСУМ
  • КОНТАКТ
  • АВТОРСКИ ПРАВА
  • Политика на приватност
  • МАРКЕТИНГ

Следете нè

No Result
View All Result
  • ДОМА
  • ВЕСТИ
  • ПОЛИТИКА
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
  • ДИСКУРС
  • ФОРУМ
  • ГРАЃАНСКА
  • МАРКЕТИНГ
  • ИМПРЕСУМ