Изјави на денот – Амбасадата на САД за „Двојник“, Макрадули и Гир за „Пошта“.
„Не коментираме истраги што се во тек. Амбасадата на САД има тесна соработка со Министерството за внатрешни работи, како и со другите владини министерства и институции во Северна Македонија, за да се постигнат заедничките цели за спроведување на законот и владеење на правото, вклучувајќи регионална соработка за спроведување на законот и борбата против тероризмот“, изјавија од Амбасадата на САД
„Со прогласување на поштата на еден од седумте најзагрозени споменици во Европа, ние го ставаме на виделина нашето европско наследство во опасност, подигнуваме свесност и го трасираме патот кон одржлива иднина на избраните локалитети“, изјави денеска на прес конференција генералниот директор на А.Д. „Пошта на Северна Македонија“, Јани Макрадули
– И во овие услови оваа зграда изгледа величествено. Поштата на Јанко Константинов беше една од знаменитостите којашто се појави. Никна од урнатините на земјотресот во 1963 година. Тоа беше дело на имагинација но исто така и на смелост. Скапоцен камен на т.н. бруталистичка архитектура во тоа време, но исто така и симбол на меѓународната солидарност што го одбележа периодот на реконструкција што следеше по 1963 година. Денес оваа зграда е празна и запоставена. Изложена на елементи но и на голема опасност, изјави на прес конференцијата Евроамбасадорот Дејвид Гир.
