• Latest

Ди Џовани: Мора да продолжиме со висок опфат на редовна имунизација против детските болести

April 29, 2021
Фотографија: Колаж/АП

Шенжен: Трамп повика на дијалог, Си на соработка, Путин на заедничко решавање конфликти

November 19, 2026
Јана Коцевска (фото: ИМА)

Јана Коцевска: Родовото насилство е нормализирано, институциите не обезбедуваат вистинска заштита

November 19, 2026

Тврдењето на Сиљановска-Давкова падна при основна проверка на фактите: Уставниот „рекорд“ не постои

November 19, 2026
Орце Ѓорѓиевски, градоначалник на Скопје (Wikipedia)

Скопје меѓу „шампон“ и ѓубре: Што велат 247 коментари за првата година на Орце Ѓорѓиевски?

November 19, 2026

Европска комисија предлага нови 45 милијарди евра за Украина во 2027 година

November 19, 2026

Правилното чување на тутунот е важно за зачувување на квалитетот пред откупот

November 19, 2026
Поморскиот сообраќај во Црното Море се соочува со зголемени безбедносни ризици. (Фото: Mosbatho / Wikimedia Commons, CC BY 4.0)

Два поморски инцидента за два дена во Црното Море, спасени 31 морнар

November 18, 2026
Гордана Сиљановска-Давкова гласа за вториот круг на претседателските избори во 2024. Фото: Toshe Ognjanov (VOA). Извор: Wikipedia

Сиљановска-Давкова и „рекордот“ во бројот на уставни измени: Тврдењето падна на проверката на фактите – статистиката во служба на националистичката реторика

November 18, 2026
Анти-владини протести, Братислава, 17 ноември 2026 (Фото: Скриншот од видео на APT News)

Словачка: Илјадници демонстранти протестираа против владата на Роберт Фицо

November 18, 2026
Беџ на АНБ (фото: Архива на Слободен печат)

АНБ и МВР разоткрија мрежа поврзана со Иран: Петмина уапсени поради сомневања за подготовка на атентат во Грција

November 18, 2026
CivilMedia
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
CivilMedia
No Result
View All Result
Home ЗДРАВСТВО КОВИД-19

Ди Џовани: Мора да продолжиме со висок опфат на редовна имунизација против детските болести

April 29, 2021 11:18
in ВЕСТИ, КОВИД-19, ОПШТЕСТВО
Share on FacebookShare on Twitter

По една година ограничувања на движењето, празни училници и откажани семејни собири, луѓето од целиот свет почнуваат да се вакцинираат против КОВИД-19 или го чекаат својот ред за да се вакцинираат.  Сите знаеме дека вакцините даваат најголема надеж за продолжување со нормален живот и за наше повторно зближување.

Сега кога вакцините се во мислите на секој од нас мора да запаметиме дека редовните вакцини за децата играат клучна улога за децата да може да се играат и да бидат заштитени. „КОВИД-19 предизвика прекин во спроведувањето на многу услуги за децата, но надежно е тоа што побарувачката и реализацијата на редовната вакцинација на децата во голема мера остануваат непроменети. За многу семејства, вакцинацијата е влезна точка во здравствениот систем која обезбедува можност за спречување, откривање и лекување на здравствени состојби и унапредување на доброто здравје.

Ова го истакна Патриција Ди Џовани, претставничката на УНИЦЕФ, по посетата на поликлиниката Ѓорче Петров во која се вакцинираат деца од три општини во Скопје

-Паралелно со напорите што ги вложува  земјата за забрзување на националниот план за вакцинација против КОВИД-19, мора и натаму да ја одржуваме редовната имунизација за да бидеме сигурни дека секое дете во земјата ќе прими вакцина против  мали сипаници, заушки, рубеола и други детски болести. Ова значи дека треба да се погрижиме ниедно пренасочување на средствата од услугите наменети за  редовна имунизација да не создава тесни грла во пристапот на семејствата до здравствените услуги  за редовна вакцинација на децата и до добивањето на услугата. Исто така, мора да поведеме сметка евиденцијата за имунизација на децата и податоците за националната покриеност да продолжат да се ажурираат  за да може да се следи било каква промена во редовната  вакцинација на децата, рече Ди Џовани.

Според неа, пандемиите и епидемиите се потсетување за важната улога на вакцинацијата во текот на целиот живот, од детството преку адолесценцијата, па сѐ до постарата возраст.

-Повеќе од кога и да е, вакцините се покажаа како најдобро средство што го имаме за да го заштитиме нашето здравје и здравјето на нашите семејства и на нашите заедници. Мора и натаму да се трудиме редовната  имунизација на децата да остане врвен приоритет за да се спречат други епидемии на болести кои може да се спречат со вакцини, подвлече Ди Џовани.

Во текот на оваа Светска недела на имунизацијата земјите од целиот свет преземаат активности за да ја нагласат важноста на вакцинацијата за повторно зближување на луѓето, за подобрување на здравјето и благосостојбата на сите, секаде и во текот на целиот живот.

-Вакцините се еден од најголемите напредоци на современата медицина. Во светот тие помагаат да се намали смртноста на децата за половина и спасија многу животи. Благодарение на редовната вакцинација многумина од нас имаа среќа да растат без да доживеат член од семејството или пријател да почине или да добие трајна попреченост од болести како што се сипаници или детска парализа. Редовните вакцини во детството ги елиминираа овие болести во многу земји. И покрај тоа што во земјата многу сериозни болести веќе не се чести благодарение на вакцините, овие болести и понатаму постојат и може да се прошират доколку луѓето не се вакцинираат. Епидемијата на сипаници во 2018-2019 која одзеде детски животи во Северна Македонија е потсетник дека не смееме да ја потценуваме вакцинацијата на децата, напомена претставничката на ИНИЦЕФ по повод Светската недела на имунизацијата.

 

ShareTweetSend
CivilMedia

СЛОБОДНО.НЕЗАВИСНО.ОТВОРЕНО

  • ЗА НАС
  • ИМПРЕСУМ
  • КОНТАКТ
  • АВТОРСКИ ПРАВА
  • Политика на приватност
  • МАРКЕТИНГ

Следете нè

No Result
View All Result
  • ДОМА
  • ВЕСТИ
  • ПОЛИТИКА
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
  • ДИСКУРС
  • ФОРУМ
  • ГРАЃАНСКА
  • МАРКЕТИНГ
  • ИМПРЕСУМ