Секоја година, Денот на децата се слави во различни земји во светот и на различни датуми. И иако не сите земји го зачуваат истиот датум, постои универзален ден на децата на 20 ноември секоја година, почнувајќи од 1954 година, од страна на Генералното собрание на Обединетите нации. Ова не е само ден за славење на децата онакви какви што се, туку за запознавање на децата со правата кои што ги имаат како и децата ширум светот кои подлегнаа на насилството во форми на злоупотреба, експлоатација и дискриминација.
Потеклото на овој празник датира од 1925 година кога претставници од различни земји се состанаа во Женева, Швајцарија за да ја свикаат првата „Светска конференција за благосостојба на децата“.
По конференцијата, некои влади ширум светот назначија посебен ден за „Ден на децата“ за да ги истакнат детските проблеми. Нема препорачано одреден датум, така што земјите користеа кој било датум што е најрелевантен за нивната култура.
Датумот 1 јуни го користат многу поранешни советски земји како „Меѓународен ден за заштита на децата“ кој е основан на 1 јуни 1950 година по конгресот на Меѓународната демократска федерација на жени во Москва, што се одржа во 1949 година.
Со создавањето на Меѓународниот ден на детето, земјите-членки на ООН ги признаа децата, без оглед на расата, бојата, полот, верата и националното или социјалното потекло, правото на приврзаност, љубов, разбирање, соодветна храна, медицинска нега, бесплатно образование, заштита од сите форми на експлоатација и растење во клима на универзален мир и братство.
Конвенцијата за правата на детето е документ кој има најголем број на ратификации од државите, декларирајќи ја цврсто изразената волја за подобрување на правата на децата, особено изразени со конвенциските одредби за заштита на правата и можноста за партиципација во активности, како и воведување на минимум стандарди за здравствена заштита, образование и социјална заштита, а Република Северна Македонија е земја потписничка на Конвенцијата за правата на детето
Одбележување на Денот на децата е давање на право на децата да уживаат и да прераснат во здрави и образовани граѓани на земјата. Децата се нашата иднина. Секој од нас мора да придонесе за заштита на децата и обезбедување среќно и безгрижно детство. Децата денес ќе бидат возрасните граѓани утре. Секој од нас ја носи одговорноста да негува силно, здраво и интелектуално детство.
ЦИВИЛ како организација за човекови права и слободи, од почетоците на своето формирање до денес силно и активно се залага за промовирање и застапување на правата на секое дете.
И. Крџиќ
