Министерството за здравство соопшти дека вчера се аплицирани 13.037 вакцини.
-Вакцинацијата се одвива непречено на сите пунктови низ државата, а во тек е и теренска вакцинација. На вакциналните пунктови во државата и на терен, заклучно со вчера вакцинирани се вкупно 728.628 граѓани. Прва доза вакцина вчера примиле 5.486 граѓани, а вчера вкупно се вакцинирале 13.037 граѓани. Во државата вкупно се аплицирани 1.267.666 дози вакцини, а ревакцинирани се 539.037 граѓани, информира Министерството.
Со последните бројки, 53 отсто од населението над 40 години има примено барем една доза вакцина.
-Граѓаните без закажан термин се вакцинираат, во постоечките вакцинални пунктовите низ државата. Децата од 12 до 18 годишна возраст се вакцинираат со согласност од родител, наведува МЗ.
Според Министерството, вакцините се безбедни и ефикасни и се единствениот начин да се победи пандемијата.
-Само со комплетна вакцинација се спречува тешка форма на болеста се намалува шансата од заболување како и смртен исход, посочуваат од МЗ.
