Во последните 24 часа направени се 5.604 тестови, а регистрирани се 1.424 нови случаи на КОВИД-19, соопшти Министерството за здравство.
Од новорегистрираните случаи на заразени со Ковид-19, во Скопје се регистрирани 790 случаи, во Битола – 92, Куманово – 57, Струмица – 48, Кавадарци – 45, Штип – 43, Прилеп – 37, Охрид – 36, Тетово – 35, Гевгелија – 33, Гостивар – 31, Кичево – 27, Велес – 24, Ресен – 20, Неготино – 18, во Кочани и Свети Николе – по 13 случаи, во Крива Паланка – 10, Струга – 8, Виница – 7, во Радовиш, Пробиштип, Богданци и Македонски Брод – по 5 случаи, во Делчево, Берово и Демир Хисар – по 3, во Кратово и Демир Капија – по 2, додека во Дебар, Валандово, Крушево и Дојран – по 1 случај.
Од вкупниот број на позитивни (1.424), регистрирани се 214 реинфекции.
Во текот на изминатите 24 часа регистрирани се 15 починати лица: 6 починати лица од Скопје (69г, 72г, 77г, 82г, 89г и 90г), по 2 починати од Велес (43г и 69г), Струмица (65г и 66г) и Прилеп (58г и 80г) и по едно починато лице од Струга (89г), Крива Паланка (81г) и Богданци (75г). Пријавените лица се починати во болнички услови.
Согласно Регистарот на умрени лица со дијагноза КОВИД-19 од Мој Термин, пријавени се пет починати лица, по едно починато лице од Скопје, Гостивар, Куманово, Прилеп и Тетово на возраст од 63г до 80г. Пријавените се починати во период од 4.01.2022 до 20.01.2022г. Од пријавените лица три се починати во домашни услови, а две лица во болнички услови.
Од вкупниот број на починати лица (n=20), три лица се целосно вакцинирани.
Досега во земјата се направени вкупно 1.746.689 тестирања на Ковид-19. Вкупната бројка на КОВИД-дијагностицирани лица во нашата земја од почетокот на епидемијата изнесува 256.281, бројот на оздравени пациенти е 227.492, на починати е 8.218, а бројот на активни случаи изнесува 20.571.
Ц.Д
