Претседателот на Украина Володимир Зеленски им се обрати на украинските жени, девојки, сопруги, мајки, по повод пролетниот празник кој предходно секогаш на овој ден им го честитале, но, не и денес.
Денес, едноставно не можам да ви ги кажам традиционалните зборови. Не можам само да честитам. Не можам. Кога има толку многу смртни случаи. Кога има толку тага. Кога има толку многу страдање. Додека трае војната. Терористичка војна од големи размери против нашиот народ. Народот на Украина, вели Зеленски.
Во обраќањето, Зеленски потенцира дека окупаторите повторно го бомбардираат Суми. Со бомби од воздух врз мирниот град кој никогаш во својата историја не ѝ се заканувал на Русија! Добрата, тивка, душевна Сумска област, е претворена во пекол!
Се осврна и на Мариупол. Мирен и вреден град без никаква внатрешна злоба. Опкружен, блокиран, кого специјално го исцрпуваат и специјално го измачуваат. Окупаторите намерно ја прекинуваат комуникацијата. Намерно ја блокираат испораката на храна, снабдувањето со вода. Ја исклучуваат струјата. Во Мариупол, за прв пат по неколку децении, веројатно за прв пат по нацистичката инвазија, дете почина од дехидрација.
„Слушнете ме денес, драги партнери! Дете почина од дехидрација. Во 2022 година!“ рече Зеленски.
Украинскиот претседател истакна дека ова е веќе тринаесетти ден од борбите во Украина.
Се бориме веќе тринаесетти ден. Ги уништуваме окупаторите каде што можеме. Секаде. Но постои небото. Стотици руски крстосувачки ракети. Стотици борбени авиони на окупаторите. Стотици жиродини. Да, ние ги уништуваме. Русија во изминатите 30 години не изгубила толку авијациска опрема колку за овие 13 дена во Украина.
Но, тие сè уште имаат доволно техника за убивање. Сè уште имаат доволно ракети за терор. Доволно петстотини килограмски бомби за да ги фрлат врз нас, врз обичните луѓе. Врз Чернигив и Кијив. Одеса и Харкив. Полтава и Житомир. Врз десетици и десетици украински градови. Врз милиони мирни украински луѓе.
А не како што звучи во коментарите на политичарите за обезбедување на Украина со витално неопходни борбени авиони. Витално неопходна противракетна одбрана. Витално неопходна!, истакна Зеленски.
Слушнавме многу уверувања и видовме многу договори, вклучително и за воспоставување на хуманитарни коридори. За да ги спасиме нашите граѓани во Мариупол. Но, тие не функционираа. Не функционираа сите. Засега. И јас немам повеќе време за чекање. Ние немаме. Во Мариупол нема повеќе време за чекање.Окупаторите се тие кои сакаат нашиот народ да умира. Не ние. Во Мариупол испративме колумни со хуманитарна помош. Таму има сè што им е неопходно! Испративме превоз за да ги спасиме луѓето. Возачите разбираат сè. Тие се херои. Храбри луѓе! Тие разбираат дека руските војници едноставно можат да пукаат по овој превоз на патот. Како што веќе убиваа луѓе кои само се обидуваа да стигнат до безбедна територија од зона на воени дејтвија.
Но, ако пукате и по овој превоз, и по овие луѓе, знајте дека тоа ќе биде пред очите на целиот свет. Сите ќе бидат сведоци. И сите ќе сведочат.
Кога секој, го повторувам ова: секој што дава и исполнува нечовечки наредби ќе биде строго суден. И ќе го осудат.
Видовме конкретна согласност од руската страна за организирање коридор за евакуација од градот Суми. И не само за нашиот народ. За стотици странци. Граѓани на Индија, Кина. Станува збор за студенти кои студирале во Суми, вели Зеленски, и продолжува. Знаете, ми беше кажано дека Црвениот крст, Меѓународниот Црвен крст, ни забранува да го користиме амблемот на возилата што извршуваат хуманитарни мисии. Ни забранува Црвениот крст како да е нивна сопственост, истакна Зеленски.
Но, ние тоа нема да го дозволиме. И јас тоа нема да го дозволам. Нашите пријатели. Тие се покрај нас.Ќе апелирам директно до народите во светот доколку светските лидери не вложат максимални напори за да се запре оваа војна, овој геноцид.Се разбира, продолжуваме да разговараме со нашите партнери. Со лидери, парламентарци од сите земји кои знаат како да ѝ помогнат на Украина. Имаме многу зафатен ден на преговори.
Но, има работи кои не се решаваат во преговорите, кои не зависат директно од нас. А само – од хуманоста, која мора да победи во водечките престолнини. Таа мора да го победи стравот. Мора да освои какви било придобивки.
И тогаш ќе видиме дека украинското небо е безбедно. А украинските градови се деблокирани. Ние можеме да го направиме тоа заедно како луѓе на светот. А ако светот се тргне настрана, ќе се изгуби себеси. Засекогаш. Затоа што има безусловни вредности. Еднакви за сите. Пред сè, тоа е животот. Право на живот за секого. Токму тоа, за што ние се бориме во Украина. Многу силно, со нашите војници. Токму од тоа, од што сакаат да не лишат овие слаби окупатори. Токму тоа, што целиот свет мора да го заштити, кажа Зеленски на крајот од своето ображање.
Слава на Украина
