Советот денеска одлучи да воведе рестриктивни мерки за дополнителни 160 лица во однос на тековната неоправдана и неиспровоцирана руска воена агресија против Украина и дејствија што го поткопуваат или загрозуваат територијалниот интегритет, суверенитет и независност на Украина, се вели во соопштението објавено на веб-страница на Советот на Европската Унија.
Денеска на нашата листа со санкции додаваме уште клучни поединци и членови на нивните семејства кои имаат значајна економска улога во поддршката на режимот на Путин и имаат финансиска корист од системот. Тие сега се предмет на замрзнување на имотот и забрана за патување. Нашата порака е јасна: оние кои овозможуваат инвазија на Украина плаќаат цена за своите постапки, изјави Жозеп Борел, висок претставник за надворешна политика и безбедност
Денеска на нашата листа со санкции додаваме уште клучни поединци и членови на нивните семејства кои имаат значајна економска улога во поддршката на режимот на Путин и имаат финансиска корист од системот. Тие сега се предмет на замрзнување на имотот и забрана за патување. Нашата порака е јасна: оние кои овозможуваат инвазија на Украина плаќаат цена за своите постапки, изјави Жозеп Борел, висок претставник за надворешна политика и безбедност
Наведените поединци и субјекти вклучуваат 14 олигарси и истакнати бизнисмени вклучени во клучните економски сектори и обезбедуваат значителен извор на приходи за Руската Федерација – особено во металуршката, земјоделството, фармацевтската, телекомуникациската и дигиталната индустрија – како и членовите на нивните семејства. Денешната одлука ги надополнува листите на олигарси вклучени во секторите на нафта, гас, банкарство, медиуми и транспорт, донесени од Советот на 23 и 28 февруари 2022 година.
Исто така, воведени се санкции и за 146 членови на Советот на Руската Федерација, кои ги ратификуваа владините одлуки на „Договорот за пријателство, соработка и взаемна помош меѓу Руската Федерација и Народна Република Доњецк“ и „Договорот за пријателство, соработка и взаемна Помош меѓу Руската Федерација и Луганската Народна Република“.
Севкупно, рестриктивните мерки на ЕУ сега важат за вкупно 862 физички лица и 53 ентитети. Оние кои се назначени се предмет на замрзнување на имотот и на граѓаните и компаниите на ЕУ им е забрането да им даваат средства на располагање. Физичките лица дополнително подлежат на забрана за патување, што им оневозможува влез или транзит низ териториите на ЕУ.
Релевантните правни акти, вклучувајќи ги имињата на наведените поединци и субјекти, се објавени во Службениот весник на ЕУ.
Се подвлекува дека Европската унија најостро ја осудува неиспровоцираната и неоправдана воена агресија на Руската Федерација против Украина, како и вмешаноста на Белорусија во оваа агресија.
Европската унија бара Русија веднаш да ги прекине своите воени дејствија, безусловно да ги повлече сите сили и воена опрема од целата територија на Украина и целосно да го почитува територијалниот интегритет, суверенитет и независност на Украина во нејзините меѓународно признати граници. Европскиот совет ги повикува вооружените формации поддржани од Русија и Русија да го почитуваат меѓународното хуманитарно право и да престанат со нивната систематска манипулација со информации, вклучително и кампањи за дезинформации и сајбер-напади, се вели во соопштението.
Употребата на сила и принуда за промена на границите нема место во 21 век. Тензиите и конфликтите треба да се решаваат исклучиво со дијалог и дипломатија. ЕУ ќе продолжи да соработува тесно со соседите и ја повторува својата непоколеблива поддршка и посветеност на суверенитетот и територијалниот интегритет на Грузија и на Република Молдавија. Ќе ја продолжи силната координација со партнерите и сојузниците, во рамките на ОН, ОБСЕ, НАТО и Г7, се потенцира во соопштението од Советот на ЕУ.
Д.Мишев
