Повеќе од 3,2 милиони бегалци ја напуштиле Украина од почетокот на руската агресија на 24 февруари, според УНХЦР. Додека нападите на руските сили не стивнуваат, извесно е дека оваа бројка ќе се зголемува. Милиони други Украинци се заглавени во областите од кои не можат да избегаат поради блокади на патиштата, а во повеќе градови руските сили ги држат жителите под опсада, не дозволувајќи да им се испратат храна и лекови. Меѓународните организации предупредуваат на растечка опасност од хуманитарна катастрофа.
Специјалниот известувач на „Слободен печат“ и „Утрински брифинг“, Кристина Атовска, е во Украина и го следи развојот на ситуацијата со бегалците. Таа денеска во воз од Полска до украинскиот град Лвов разговараше со неколкумина бегалци кои поради различни причини се враќаа во земјата. Еве ги нивните приказни:
