Украинскиот математичар Константин Олмезов, кој живеше и работеше во Москва, извршил самоубиство на 20 март, објави на Телеграм рускиот адвокат Дмитриј Захватов, пренесува Укринформ.
„ Добив дојава дека утринава (20 март), тој извршил самоубиство, оставајќи проштално писмо, каде напишал дека се самоубил затоа што не можел да ги поднесе ужасите на тоа што се случува. Талентиран, перспективен математичар.Костиантин Олмезов“, напиша адвокатот.
Олмезов објавил проштално писмо на Телеграм, заедно со неговите песни. По почетокот на целосната руска инвазија на Украина, математичарот се обидел да ја напушти Русија, но бил приведен на автобуска станица во Москва, а подоцна бил приведен и задржан во 15-дневен притвор во монтиран случај за „ситно хулиганство“ за наводно го нарушува јавниот ред и мир на станицата. Се обидував да излезам одовде за да ја бранам мојата земја, да ја бранам од оние кои сакаа да ми ја одземат“, напиша математичарот.
Тој додаде дека за него немањето слобода е полошо од смртта.
„Чувствувам болка за секоја страна во оваа војна, но со свои очи гледам кој ја брани својата земја, а кој одзема туѓа. Со свои очи гледам кој го брани правото да биде одговорен за своите животи и кој ја оправдува сопствената деградација. Одам во празнината. Но оваа празнина ми е подрага од реалноста, каде што дел од народот се врати во дивјаштво, а другиот дел придонесува за тоа“, напиша Олмезов.
Костиантин Олмезов е роден во Украина. Од 2018 година, тој живее во Русија, работејќи на полето на адитивна комбинаторика – математичка гранка што не е истражувана во Украина.
По ослободувањето од притворот, Олмезов добил покана од Универзитетот во Австрија каде би можел да продолжи со своето истражување.
Подготвил Д.М.
