Во разговор со генералниот секретар на ОН, Антонио Гутереш, министерот за надворешни работи на Украина Дмитро Кулеба изјави дека нема место за Русија во Советот за човекови права на ОН.
„Разговарав со генералниот секретар на ОН Антонио Гутереш за актуелната безбедносна ситуација и масакрот во Буча. Истакна дека Украина ќе ги искористи сите расположливи механизми на ОН за да собере докази и да ги повика на одговорност руските воени злосторници. Нема место за Русија во Советот за човекови права на ОН“, објави Кулеба на Твитер.
Spoke with UN Secretary General @AntonioGuterres on the current security situation and the Bucha massacre. Stressed that Ukraine will use all available UN mechanisms to collect evidence and hold Russian war criminals to account. No place for Russia on the UN Human Rights Council.
— Dmytro Kuleba (@DmytroKuleba) April 4, 2022
Украинските градови Ирпин, Буча, Хостомел и целиот регион на Киев се ослободени од руските освојувачи. Во ослободените градови и села се забележани масовни убиства на цивили. Поточно, во Буча беше пронајдена масовна гробница со речиси 300 закопани луѓе. Десетици тела лежат по улиците, некои од нив со врзани раце.
Шефот на британската дипломатија Лиз Трас, министерот за надворешни работи на Латвија Едгарс Ринкевичс и американската амбасадорка во Обединетите нации Линда Томас-Гринфилд повикаа на исклучување на Русија од Советот за човекови права на ОН.
Обединетото Кралство свика состанокот на Советот за безбедност на ОН во вторник, на 5 април, на кој ќе се разговара за масакрите извршени од руските агресори во Буча.
Д.Мишев
