Руската телевизија продолжува да се заканувава со нуклеарни напади против западните нации, очајно обидувајќи се да ги одврати да продолжат да и помагаат на Украина. Од друга страна, ова е првиот државен ТВ водител кој се чини дека не сака да умре за татковината, расправајќи се со воинствено распположен пратеник, напиша на Твитер Џулиа Дејвис, колумнист во Дејли Бист и креатор на Рускиот медиумски монитор.
Дејвис објави видео од емисијата на руската национална телевизија Русија 1, во кое беше прикажана симулација за колку секунди ракетата Сармат може да стигне до Берлин, Париз и Лондон.
Russian TV keeps threatening nuclear strikes against Western nations, desperately trying to deter them from continuing to help Ukraine. On a side note, this is the first state TV host who doesn’t seem to be eager to die for the Motherland, arguing with a trigger-happy lawmaker. pic.twitter.com/PBvBP5V1lk
— Julia Davis (@JuliaDavisNews) April 28, 2022
Пратеникот во Думата, Алексеј Журављов во емисијата се закани со нуклеарен напад врз главните градови на земјите кои ја снабдуваат Украина со оружје:
Еден Сармат и тоа е тоа, британскиот остров постоше, британскиот остров повеќе не постои, истакна Журављов.
Пратеникот од Единствена Русија, Евгениј Попов, предупреду дека и Британија поседува нуклеарно оружје, и доколку Русија ја употреби ракетата Сармат, никој нема да ја преживее оваа војна.
Никој нема да преживее, никој нема да остане на планетата, предупреди Попов.
Водителката на емисијата „60 минути“ Олга Скабејева, ги повика гостите да бидат сериозни, и посочи дека на ракетата Сармат истрелана од Калининград за 106 секунди може да стигне до Берлин, до Париз за 200 секунди, а до Лондон 202 секунди, што беше подкрепено со видео симулација за летот на ракетите Сармат до главните градови на земјите кои ја снабдуваат Украина со оружје.
Подготви: Д.Мишев
