Утрово од украинските пристаништа тргна петтиот караван бродови со земјоделски производи. Се состои од бродот Сормовски 121, кој го напушти пристаништето Чорноморск, и масовниот превозник Стар Лаура, кој тргна од пристаништето Пивдени. Тие носат повеќе од 63.000 тони земјоделски производи“, пренесе Укринформ.
Стар Лаура стана првиот брод од класата Панамакс што го напушти пристаништето Пивдени од почетокот на спроведувањето на зделката за жито и трет во генералниот список на големи бродови што веќе се движат низ „житниот коридор“.
Дополнително, се очекува во сабота на пристаништата Чорноморск и Пивдени да пристигнат уште два брода – Brave Commander и Petrel S. Тие ќе носат повеќе од 40.000 тони украинско жито.
Од почетокот на август, преку хуманитарниот морски коридор од украинските пристаништа се извезени околу 375.000 тони жито и други прехранбени производи.
Д. Т.
