ВЕСТ НА ДЕНОТ
Различности, (не)дискриминација и искуства
„Различности, (не)дискриминација и искуства“ е темата на панел дискусијата на ЦИВИЛ која разговараа Даниел Петровски од Здружението „Романо Ило“, Фари Хисени, портпарол на општина Чаир и Бојан Петровски од Асоцијација за политики и активизам.
„Вредностите кои што во ЦИВИЛ ги споделувавме беа еднаквост помеѓу народите, еднаквоста помеѓу жителите во нашата држава, промоција на мултикултурализмот. Сега доаѓам како вработен во општина Чаир, а знаеме дека Чаир е една од најдиверзитетните општини на ниво на цела држава. Таргетот на работа и луѓето со кои соработувам ми остануваат исти, од тој профил. Целта на НВО секторот и државните институции е секогаш да се промовира мултикултурата како вредност на нашата држава и да се потрудиме секој граѓанин да има пристап до институциите“, изјави на панелот, Хисени, портпарол на општина Чаир.
Тој додаде дека институциите се натрупани со многу бирократски процедури и многу често застојот за било ккави активности или решенија заглавува во овие бирократски пречки со кои се оптоварени.
„Нашата главна цел е вклучување на граѓаните, посебно на младите луѓе во процесот на креирање локални и национални политики. Мислиме дека ќе ја прошириме дејноста на работа. Едниот сегмент е креирање политики, другиот дел е истражувачки центар, каде што ќе се обидеме на граѓаните, на младите но и на институциите да им докажеме преку бројки кои што ни самите институции не можат да ги увидат на терен. Така што од една страна ќе бидеме гласот на граѓаните и младите, а од друга страна и поддршка на институциите и градење на едно подемократско општество“, вели за ЦИВИЛ, Петровски од Асоцијација за политики и активизам.
„Она што сакам да го потенцирам е дека ние во Северна Македонија многу говориме за мултикултурно општество, но никогаш и многу малку говориме за интеркултурно општество. Во ред е да се почитуваат нашите разлики и да дозволиме етничките заедници да се промовираат и да се сочува нивната култура, но малку знаеме за интеркултурното општество. На пример, многу малку Албанците знаат за ромската култура, многу малку Македонците знаат за ромската култура. Од една страна тоа е еден од моментите за креирање на стереотипи и предрасуди, од друга страна тоа е основата за непочитување помеѓу самите луѓе и доведување до конфликти. Многу малку во националните институции се интерпретира ромската култура“, додава Петровски од Романо Ило.
ИЗЈАВА НА ДЕНОТ
„За мене дилемата е дали требаше вака да се постапи. Од една страна има логика бидејќи Бугарија го прави истото тоа со години. Прашањето е дали да бидеме исти како Бугарија или да бидеме подобри. До сега бевме подобри и на тоа се аргументиравме, односно, дека Бугарија не ги почитува одлуките на Судот за човекови права во Стразбур кои се донесени во корист на вакви здруженија на етничките Македонци во Бугарија на кои не им се дозволува регистрација. Ние ем што дозволуваме, ем се регистрирани и делуваат, очигледно. Во ситуација кога нема регулација за употреба на имињата, освен името Македонија за кое треба одобрение од Министерството за правда, за ништо друго, така што и тука имаме манипулации со тоа дали дало или не Министерството, затоа што нема врска да се побара ниту да се даде“, изјави Александар Кржаловски, извшрен директор на МЦМС во разговор со ЦИВИЛ Медиа.
ФЛЕШ ВЕСТИ
РЕАКЦИЈА НА МНР По повод изјавите на пратеникот и лидерот на политичката партија „Вазражадане“, Костадин Костадинов за време на конститутивната седница на Народно Собрание на Република Бугарија, Министерството за надворешни работи, преку амбасадата на Република Бугарија во Скопје, упати вербална нота до Министерството за надворешни работи на Бугарија, во која изрази крајно незадоволство од содржина на изјавата во која јавно изразуваат иредентистички и територијални претензии кон Република Северна Македонија, информираат од МНР.
МВР Министерот Спасовски од Берлин: Досега преку новите базни станици издадени вкупно 16.600 патни исправи за наши граѓани во странство. Согласно новиот проект од страна на МВР обезбедени се и инсталирани вкупно 11 базни станици, и тоа во Њујорк, Венеција, Брисел, Стокхолм, Љубљана, Лондон, Берн, Виена, Бон, Берлин, и Минхен, како и 5 мобилни станици.
ССМ Сојузот на синдикатите на Македонија известуваат дека платата на вработените во Јавното сообраќајно претпријатие „Скопје“ денеска е исплатена и со тоа борбата на Синдикатот на работниците од сообраќајот и врските на РМ (СРСВМ) со Синдикалната организација во ЈСП и ССМ го дале својот резултат, при тоа нагласувајќи дека се оградуваат „од политичките игри на поединци со паркираните автобуси пред Владата“.
Директорот на Јавното претпријатие „Водовод и канализација“, Марјан Митовски работи незаконски и ги крши работничките права така што ги задолжува вработените со работни обврски што не се опфатени со склучените договори за работен однос, обвинуваат од Сојузот на синдикатите на Македонија и Синдикатот СУТКОЗ, пренесува МИА.
Синдикатите алармираат на кршење на работничките права во ЈП „Водовод и канализација“
ЗАПАДЕН БАЛКАН Германската министерка за надворешни работи, Аналена Бербок, сака да постигне подобра регионална соработка на Конференцијата за Западен Балкан што денеска се одржува во Берлин. На состанокот на министрите за надворешни работи на регионот главниот фокус ќе биде ставен врз напорите за создавање заеднички регионален пазар, а ќе се разговара и за прашањето на енергетска безбедност, вп позадина на руската војна во Украина, појасни портпарол на германското МНР.
Заедничкиот пазар во Западен Балкан во фокусот на конференцијата „Берлински процес“
СВЕТ Холандските пратеници побараа од владата на Марк Руте да стави вето на пристапувањето на Романија и Бугарија во Шенген, бидејќи тие сакаат да го анализираат функционирањето на владеењето на правото и намалувањето на корупцијата и организираниот криминал во двете земји, објави Romania Journal.
Холандија гласаше против влезот на Бугарија во Шенген, Радев бара помош од Шолц и Макрон
ВОЈНА ВО УКРАИНА
Камерите за брзина продолжуваат да исчезнуваат во Шведска, најчесто по должината на автопатот E16 помеѓу Хофорс и Фалун, пренесува шведски Афтонбладет. Украдените камери може да се најдат, меѓу другото, и во дроновите од руско производство користени во војната во Украина, кои користат камери од ист тип.
Украдените камери за брзина од Шведска завршиле во руските дронови над Украина
Руските војници продолжуваат со грабежите. Тие украле уште една машина за перење од украински дом. Систематски грабеж. Дали имаат специјална испорака во Русија за ова? Се прашувам како се вика? напиша на Твитер советникот на министерот за внатрешни работи на Украина, Антон Герасченко, каде објави и видео на кое се гледа како двајца руски војници радат машина за прење од кужа во окупираниот дел на Украина.
(Видео) Руски војници крадат машина за перење од украински дом
Руските сили најверојатно поставуваат услови за отстранување на воените, окупациски елементи од западниот брег на реката Днипро. Институтот за студии за војната (ISW) во својата последна проценка оценува дека на 20 октомври се појавија голем број извештаи кои укажуваат дека руските сили преместуваат воена опрема, како и украдени противпожарни возила, цивилни автомобили и други разни предмети за домаќинството низ реката Днипро, појужно до градот Хола Пристан и на исток до Нова Каховка.
ЦИВИЛНИ АКТИВНОСТИ
„Зелена читанка“ е нова публикација на ЦИВИЛ, чија цел е, на лесно разбирлив начин да се придонесе кон подобрување на нивото на знаење и зајакнување на јавната свест за зелените прашања и зелените вредности. Публикацијата произлезе од истоимениот проект кој го спроведува организациската единица Зелен Цивил, во соработка со Фондацијата Хајнрих Бел.
Главните цели на проектот „Зелена читанка“ беше развој на ресурсите и граѓанска едукација засновани на факти за зелените прашања и зелените вредности. И проектот и самата публикација се придонес кон развојот на зелените политики и практики. Читанката е наменета за широк спектар на читателки и читатели, а особено можат да биде корисна за носителите на одлуки и нивните тимови за односи со јавноста, граѓанските организации, институциите и медиумите.
„Зелената читанка“ е лесно разбирлива и податлива за почетно, но и продлабочено запознавање со зелените прашања.
„Зелена читанка“ – придонес кон разбирањето на зелените прашања и зелените вредности
СЛОБОДНА ЗОНА
Џабир Дерала во едиторијалот насловен – „Зелена читанка“ за оние што се грижат за иднината на светот, пишува: Како претставник на ЦИВИЛ – Центар за слобода и дел од луѓето што ја формираа организациската единица Зелен Цивил, чест ми е да кажам неколку збора за една нова публикација. Се работи за публикацијата „Зелена читанка“ објавена на 21 октомври 2022.
Забележливо е дека дел од проблематичните одлуки на централно и локално ниво се должат отсуство на вистинско разбирање на одржливоста и меѓусебната поврзаност со другите релевантни сфери на социо-политичкото дејствување во општеството. Повеќе од итна е потребата да се разбере меѓусебната поврзаност, односно неделивост на областите како што се социјалната и еколошката правда, антинационализмот, владеењето на правото, родова еднаквост и антидискриминација.
Тие и не само тие се интегрален дел од зелените политики. А тие вредности може да се негуваат и практикуваат единствено во нивната целовитост и неразделивост.
„Зелена читанка“ за оние што се грижат за иднината на светот
Војо Маневски во колумната насловена „Плаќање на сметката“ пишува: Читам деновиве за карактеристиките на економските модели од почетокот на деведесеттите кога либералистичкиот систем на организација на општеството и економијата заедно со глобализацијата како незапирлив процес беше на својот врв.
Д. Муратов
